03.04.2024 39

Х.Досмұхамедов атындағы Атырау университетінде Жаппай ашық онлайн курсы (МООК) жақсы ұйымдастырылған. Әрбір білім алушы дүние жүзіндегі жетекші университеттердің профессорлары, оқытушылар, кәсіпқой қауымдастықтың бизнес-тренерлері әзірлеген курстардан білім алу мүмкіндігіне ие.

Сонымен қатар экономика және құқық факультетінің экономика кафедрасының аға оқытушылары, магистрлер Дингазиева Мейрамгүл Дүзелбайқызы «Трейд маркетинг және электронды коммерция», Джумаева Айгуль Кабджановна «Статистика теориясы және е-статистика», Тажиденова Айнур Рамазановна «Бизнес-жоспарлау» деген курстарын жаппай ашық онлайн курсы форматында әзірлеп, ұсынды.

Сандық технологиямен жабдықталған жаңа онлайн курстарды және вебинарларды жазу бейне-студиясында қажетті техникалық құралдарды пайдалана отырып түсірілген бұл курстар бүгінде университет сайтында қолжетімді. Әрбір тақырып бойынша дәріс материалдары жазылып, бақылау сұрақтары, тест тапсырмалары қосымша берілген. Студенттер кез келген уақытта пайдалана алатын мүмкіндік бар. Осы пәндерден студенттер тіркеліп, әрбір тақырыпты оқып, тапсырманы орындағасын, келесі тақырыпқа көшеді. Соңында қорытынды тапсырманы орындап, курсты аяқтағаны жөнінде сертификат алады. МООК арқасында оқытушылар ғылыми жобалармен айналысуға уақыт бөле алады.

Сонымен қатар осы оқытушыларымыз Орхун бағдарламасымен академиялық ұтқырлық бағдарламасы бойынша Қырғызстан, Өзбекстан жоғары оқу орындарына да баруда. Біліктіліктерін арттыру курстарына қатысып, тренингтерге де қатысуда.

Осындай үлкен еңбектің арқасында Тажиденова Айнур Рамазановна, Джумаева Айгуль Кабджановна, Дингазиева Мейрамгүл Дүзелбайқызы 2022-2023 оқу жылының қорытындысында КРІ бойынша жоғары баға алып, алғашқы сегізінші орындарда тұр. Құттықтаймыз! Ұжым атынан алдағы еңбек жолында толағай табысқа жете берулеріңізге тілектеспіз!

Тізімге қайта оралу