13.03.2024 61

13 наурыз күні құқықтану білім бағдарламасының 3 курс білім алушыларына салық құқығы пәнінен салық салу аясындағы мемлекеттік басқару  тақырыбында ашық дәріс сабағы өткізілді. Ашық дәріс сабағының мақсаты – білім алушыларда салық салу саласындағы мемлекеттік басқару институты, басқаруды жүзеге асыратын органдардың құқықтық мәртебесі туралы түсінік қалыптастыру. Дәріс барысында мемлекеттік басқару ұғымы мен қағидалары, мемлекеттік басқаруды жүзеге асыратын органдар мен олардың өкілеттіктері туралы мәлімет берілді. Қазақстан Республикасы Президенті мен Қазақстан Республикасы Парламентінің салық салу саласындағы өкілеттіктері бойынша айырмашылықтар сараланды. Салық салу саласын басқаруды жүзеге асыратын негізгі орган Қазақстан Республикасы Қаржы министрлігі туралы кеңінен баяндалып, оның құқықтық мәртебесі мен құрылымы туралы білім алушыларға ақпарат берілді. Сонымен қатар салық туралы қызықты мәліметтер де айтылды. Дәріс барысында білім алушылардың зейінін анықтап, олармен кері байланыс орната білу де маңызды, сол себепті оларға сұрақтар қойылып, шағын тапсырмалар беріліп, өзіндік жұмыстарды орындауына да уақыт берілді. Дәріс сабағының мақсаты орындалды деуге болады.

Тізімге қайта оралу