06.03.2024 74

5 наурызда Х.Досмұхамедов атындағы Атырау университеті дене шынықтыру пәнінің мұғалімі және таңдаған спорт түрінен жаттықтырушы  мамандығының студенттеріне 2024 жылы 3 қаңтарда «Қасым-Жомарт Тоқаев: Біз озық ойлы ұлт ретінде тек қана алға қарауымыз керек»  атты  «Egemen Qazaqstan» газетіне берген сұхбатына университеттің ғалымдары ақпараттық-түсіндіру жұмыстарын жүргізді.
Студенттерге ардагерлер кеңесінің төрағасы, профессор Шахман Нағимов,  профессор Бекет Кенжеғұлов, қаржы және есеп кафедрасының меңгерушісі, PhD докторы Зита Кенжеғалиева дәріс оқыды.
Профессор Шахман Нағимов Ұлттық құрылтайдың отырыстары идеология саласындағы мәселелерді, дүниежүзілік көшпенділер ойынын өткізуі, ел тарихында ерекше орны бар тұлғаларға құрметтеу, Жошы ұлысының іргесі қаланғанына – 800 жыл толуына орай кең ауқымды зерттеулер барысы, Қазақстан тарихының көптомдығын әзірлеу жұмыстары туралы баяндама жасады.
Еліміздің энергетикалық қауіпсіздігі бүкіл Қазақстандағы инженерлік инфрақұрылымды жаңғырту, АЭС салу-салмау мәселелер туралы профессор Бекет Кенжеғұлов студенттерге талқыға салып, әлемдегі АЭС салыну тәжірибесі, тиімділігі мен зияны туралы толық түсіндірді.
PhD докторы Зита Кенжеғалиева  Президентіміз Қасым-Жомарт Тоқаевтың сұхбатында қарастырылған жаңа экономикалық үлгі,  азаматтардың тұрмыс сапасының іс жүзінде жақсаруына тікелей әсер ететін халықтың қаржылық сауаттылығына ерекше назар аудару туралы баяндады. Осы орайда,  ауқымды өнеркәсіп жобаларын жүзеге асыру, елге инвестиция тарту, жаңа Салық кодексі, жаңа Бюджет кодексі, экономиканың өсімін ынталандыру шаралары туралы түсіндірілді.

Тізімге қайта оралу