29.02.2024 54

Жоғары білім саласының стратегиялық мақсаты – білікті де білімді, бәсекелестікке сай мамандар дайындау. Осы мақсатқа жету барысында қаржы және есеп кафедрасы Атырау қаласындағы  "Forte Bank" АҚ филиалымен тығыз байланыс орнатты.
Бұл бағытта аталмыш  банк - жұмыс беруші, стейкхолдер, тәжірибеден өту объектісі ретінде оқыту үдерісін  теория мен практиканы ұштастыру жолында зор үлес қосуда.
29 ақпан күні кафедраның қауымдастырылған профессор міндетін атқарушы Гүлнар Сулейменова" Forte Bank" АҚ-да қаржы және есеп кафедрасы филиалында 4 курс қаржы және аналитика мамандығының студенттерімен консалтингтік кездесу өткізді. Олар тәжірибеден  өту барысында банктің  қызметтерімен  танысып, дипломдық жобаларын орындау мақсатында ақпараттар, жаңашылдықтар, инновациялық технологиялар жинақтауда. Жиын барысында ғылыми жетекші  мен студенттерге дипломдық жобалары тақырыбына байланысты  бағыт-бағдар беріп, жоспарларын анықтап, тақырыпты ашу мақсатында қажетті дереккөздер талқыланды. Осы кездесуге "Forte Bank" АҚ филиалы директорының заңды тұлғаларға қызмет көрсету саласы бойынша орынбасары  Алтынбек Тасбулатов қатысып, банк қызметіндегі өзекті  көптеген мәліметтермен бөлісті.

Тізімге қайта оралу