Мәдени және спорттық шаралар

Атырау қаласының Құрметті азаматы, «Парасат» орденінің иегері, тарих ғылымдарының докторы, профессор Табылдиев Хисмет Бозанұлының мерейлі 80 жасына

Бүгін Атырау университетінде Атырау қаласының Құрметті азаматы, «Парасат» орденінің иегері, тарих ғылымдарының докторы, профессор Табылдиев Хисмет Бозанұлының мерейлі 80 жасына арналған шаралар спорттық жарыстардан басталды. Алдымен Атырау қаласындағы орталық «Мұнайшы» стадионында Атырау қаласындағы жоғары және орта арнаулы оқу орындары студенттерінің жеңіл атлетикадан жарысы өтті.

Сонымен қатар университеттің спорт кешенінде қазақ күресінен түйе палуандар арасында халықаралық турнир де басталды. Танымал палуандар арасындағы күресті және оның салтанатты жабылуы рәсімін тамашалуға шақырамыз. Арнайы шараларға орай Атырау университетінің алаңында тігілген киіз үйлерден мерекелік дәм татуға болады.

Осы күні «Құрманғазы» атындағы мәдениет сарайында республикалық ақындар айтысы өтеді. Айтысқа Астана, Ақтау, Атырау, Ақтөбе, Семей, Қызылорда, Павлодар, Орал қалаларынан тамылам айтскерлер қатысады. Әділ қазылар алқасында Жүрсін Ерман, Айнұр Тұрсынбаева бар. Басталуы 11 қазан сағат 17.00. Ертең, 12 қазаанда, халықаралық конференция өз жұмысын бастайды.

Тізімге қайта оралу