Ректордың алғы сөзі

Құрметті достар!

Білім және ғылым саласына қызмет ететін еліміздің жетекші жоғары оқу орындарының бірі Х.Досмұхамедов атындағы Атырау мемлекеттік университетінің виртуальды кеңістігіне қош келдіңіздер!

Атырау мемлекеттік университеті – Қазақстан Республикасының білім беру жүйесіндегі өзіндік тарихы мен тәжірибесі бар халықаралық деңгейдегі бәсекеге қабілетті мамандар даярлайтын іргелі білім ордасы.

Біз 2016 жылдың сәуір айынан бастап алдағы 3 жылда университетті Каспиймаңы аймағындағы еліміздің гүлденуіне үлес қосатын инновациялық процестің драйверіне айналдырамыз деген үлкен мақсат қойып, сол бағытта «Қазақстан-2050» Стратегиясы» анықтаған «Білім және кәсіби дағды – заманауи білім беру жүйесінің, мамандар дайындаудың және қайта даярлаудың негізгі бағдарлары» негізінде қарқынды дамыту траекториясын әзірледік.

Елдегі және Каспий макроаймағындағы көшбасшылық орынға ұмтыла отырып, алдағы уақытта студенттер контингентін арттыру, білім бағдарламаларын жаңғырту, ағылшын тіліндегі халықаралық білім бағдарламаларын іске қосу, «i-Space» бизнес-инкубаторының базасындағы ғылыми қызметтің нәтижелерін коммерциаландыру, көпсалалы жоғары оқу орындарының ұлттық рейтингілерінде университетті анағұрлым жоғары орындарға шығару және оның «Green Metrics» университеттердің тұрақты дамуының әлемдік рейтингісімен қоса халықаралық рейтингілерге кіруін қамтамасыз ету бойынша инновациялық жобаларды іске асырамыз.

Талапкерлерге сәтті таңдау, студенттерге сапалы білім, әріптестерге абыройлы еңбек пен кәсіби ізденіс тілейміз.

Х.Досмұхамедов атындағы Атырау мемлекеттік университетінің веб-сайты Сіздің талап-тілектеріңізге сай болып, армандарыңыздың орындалуына септігін тигізеді деген сенімдеміз.



Құрметпен                                                                            Абзал Ахатұлы Талтенов