"ЖОО үздік оқытушысы- 2014", тарих ғылымдарының докторы, Х.Досмұхамедов атындағы Атырау мемлекеттік университетінің Қазақстан және дүниежүзі тарихы кафедрасының қауымдастырылған профессоры.

        Ахметова Ұлжан Төлегенқызы 1967 жылдың 20 ақпанында Атырау облысы (бұрынғы Гурьев облысы), Махамбет ауданы, Бейбарыс ауылында дүниеге келген.
1984-1989 жылдар аралығында Гурьев педагогика институтының тарих-филология факультетінің «тарих, қоғам тану және советтік право пәнінің мұғалімі» біліктілігімен бітірген.
2002 жылдан тарих ғылымдарының кандидаты, ал 2011 жылдан тарих ғылымдарының докторы.
Ұлжан Төлегенқызы ғылыми – техникалық қызмет субьектісі ретінде сериясы МК №002055 куәлігімен аккредиттелген ғалым. Бірнеше жылдан ғылыми жобалар құрамында ғылыми ізденістер жүргізіп келеді.
Тарих ғылымдарының докторы, профессор Ә.Қ.Мұқтардың 2005 жылы ҚР Білім және Ғылым Министрлігі Ғылым Комитетінің фундаментальды ғылымдарға жариялаған конкурсы нәтижесінде ұтып алған  «Қазақстандық Каспий: Тарихы. Орны. Саяси маңызы» атты Жобаға қатынасып, бірнеше ондаған ғылыми мақалалар жариялады.
Ғалым 2012 жылы ҚР Білім және Ғылым Министрлігі Ғылым Комитеті «Ғылыми жобаларды гранттық қаржыландыру аясында жариялаған конкурсында «ХҮІІІ - ХХ ғасырлардағы Қазақстанды зерттеген ғылыми қоғамдар мен мекемелер: тарихы, зерттеу бағыттары және маңызы» атты 2012-2014 жылдарға арналған мемлекеттік грантты ұтып, ғылыми жоба аясында зерттеулері сәтті аяқтап, Ұлттық Ғылыми Кеңестің жоғары бағасына ие болды.
2014 жылдың «Жоғары оқу орнының үздік оқытушысы». 2015 жылдың 14 наурызынан 29 аралығында Ресей Федерациясының Санкт-Петербург қаласындағы Санкт-Петербург мемлекеттік университетінен және осы жылдың 3-17 маусымы аралығында  Қытай Халық Республикасының Шыңжан Ұлттық Автономиялық Республикасының Қоғамдық Ғылымдар академиясының тарих институтынан қысқа мерзімді білім мен біліктілікті жетілдіру мақсатында ғылыми-зерттеу  тағылымдамасынан өтті.
2018-2020 жылдарға арналған т.ғ.д., профессор Ә.Қ. Мұқтардың «Қазақ Хандығы құрылымындағы билер, батырлар, тархандар, жасауылдар, қожалар институттары: олардың қызметі және жойылуы (XV-XIX ғ.)» атты гранттық қаржыландыруға арналған конкурстан ұтқан жобаға қатынасуда.
Ұ.Т.Ахметова әрдайым да өз білімін жетілдірумен айналысады. Ұлжан Төлегенқызы тәжірибелі оқытушы, ғалым, өз ісіне ұқыптылықпен және жауапкершілікпен қарайтын кәсіби маман. Студенттер мен магистранттарды ғылымға даярлауда. Ұлжан Төлегенқызының ғылыми жетекшілігімен 13 магистрлік диссертация қорғалынды. Қ.Жұбанов атындағы Ақтөбе өңірлік мемлекеттік университетіне 2019-2020 оқу жылының 24 қарашасынан 13 желтоқсан аралығында ішкі академиялық ұтқырлық алмасу бағдарламасы бойынша барып қайтты.
Негізгі ғылыми бағыты. Ғылыми зерттеулері ХҮІІІ – ХХ ғасырлардағы  тарихи оқиғаларға арналған. Онда Кіші жүздің саяси тарихы, экономикасы, әлеуметтік жағдайы, орыс мемлекетінің қазақ жеріндегі жүргізген саясатына қарсы қозғалыстар, қазақ мемлекетінің саяси билігінің шайқалуы, ел басқарған жеке тұлғалар, олардың қазақ мемлекеттілігін сақтап қалу үшін жүргізген шаралары, патшалы Ресей үкіметінің қазақ елін отарлау бағытындағы ғылыми зерттеулері, бірнеше экспедицияға қатынасқан ғалымдар, мамандар, әскерилер, олардың ғылыми зерттеулерінің қорытындылары, Орынбор Ғылыми мұрағаттық комиссиясының тарихы, ғылыми мекеме жұмысына қатысқан қазақ ағартушылары, олардың ХХ ғасыр басындағы мемлекеттілікті қайта жаңғырту  әрекеттері тағы да өзге тарихи оқиғалары сөз болады.
Ғалымның 3 монографиясы, 2 оқу құралы, 2 электронды оқулығы  және 200-ге жуық ғылыми мақалалары, оның 2-уі Скопус базасындағы тарихи журналдарда 2-уі Скопус базасындағы тарихи журналдарда жарық көрді.
2014 жылы ҚР Білім және Ғылым Министрлігінің «Ғылымға сіңірген еңбегі үшін» төсбелгісімен марапатталған. Отбасылы. Жолдасы және 5 баласы бар.

                                          

Тізімге қайта оралу