КҮНХОЖАЕВ НӘЖІМАН РАЗАХҰЛЫ
1983-1986 жылдар
КҮНХОЖАЕВ НӘЖІМАН РАЗАХҰЛЫ - 1929 жылы 25 желтоқсанда Қызылорда облысы Арал қаласында дүниеге келген. 1948-1953 жылдары С.М.Киров атындағы Қазақ Мемлекеттік университетінде тарих мамандығы бойынша білім алады. Университетті бітіргеннен кейін өзінің туған жеріне оралып, мұғалімдік еңбек жолын бастайды. 1953-1957 жылдары Қызылорда облысы Арал ауданы Бөген орта мектебінде, кейін Сексеуіл станциясында № 453 орта мектебінде директор қызметін атқарады. Қызылорда облыстық партия комитетінде нұсқаушы қызметін атқарғаннан кейін, 1963-1965жылдары Алматы жоғары партия мектебінде оқиды. 1965-1983 жж Қызылорда педагогикалық институтының оқу ісі жөніндегі проректоры қызметін атқарады. Проректорлық қызмет атқара жүріп, 1966 ж тарих ғылымынан кандидаттық, 1972 ж докторлық диссертация қорғайды. 1983-1986 жылдары Гурьев педагогика институтында ректор болып қызмет атқарады. Бүгінде Абай атындағы Қазақ Ұлттық педагогикалық университетінің профессоры. «Құрмет белгісі» ордені, «Еңбектегі ерлігі үшін» медалімен марапатталған.
