Каракенова Саяхат Габлетовна
ӨМІРБАЯН
Каракенова Саяхат Габлетовна 1986 жылы Атырау облысы Құрманғазы ауданы Ганюшкин селосында дүниеге келді. Ауданымыздағы Абай атындағы қазақ орта мектебін 2003 жылы үздік аттестатпен аяқтады. Осы 2003 жылы Х.Досмұхамедов атындағы Атырау мемлекеттік университетінің 010200-Қолданбалы математика мамандығына оқуға түсіп, 2008 жылы бітірді. 2008 жылы Х.Досмұхамедов атындағы Атырау мемлекеттік университетінің 6N0601-Математика мамандығы бойынша магистратураға оқуға қабылданып, 2010 жылы магистратураны ойдағыдай аяқтады. Магистратурада оқып жүрген уақытта Астрахань мемлекеттік университетінде математикалық талдау кафедрасында ғылыми-зерттеу тәжірибесінен өтті. 2008 жылы Атырау инженерлік-гуманитарлық колледжінде математика және информатика пәнінің мұғалімі қызметін атқарды. 2010 жылы физика-математика факультетінің математиканы талдау кафедрасына магистр оқытушы болып жұмысқа қабылданды. 2013-2014 жылы Халықаралық «Болашақ» бағдарламасымен 1.78 Т. «Оқыту және тәрбиелеу теориясы мен әдістемесі» мамандығы бойынша Ұлыбритания елінің Нортгемптон қаласындағы Нортгемптон университетінде бір жылдық тағылымдамадан өтті. «Математикалық талдау», «Математиканың физикалық теңдеулері», «Дифференциалдық теңдеулер», «Элементарлық математика», «Кәсіби бағытталған шетел тілі», «Жалпы кәсіби шетел тілі», «Математиканы енгізу курсы» және т.б. пәндерден дәріс, практикалық және зертханалық сабақтарын қазақ, орыс және ағылшын тілінде жүргізіп келеді. 2015-2016 оқу жылы Математика және математиканы оқыту әдістемесі кафедрасының меңгерушісі қызметін және 2016-2017 оқу жылы Физика, математика және ақпараттық технологиялар факультетінің оқу және тәрбие ісі бойынша деканның орынбасары қызметін атқарды. Шетелдік професор-оқытушылармен тәжірибе алмасу мақсатында Еуропалық Одақтық Эразмус+ бағдарламасы бойынша 2016 жылдың мамыр айында Франция елінің Пуатье қаласындағы Пуатье университетінде тағылымдамадан өтіп келді. 2017 жылы Стратегияны және аналитиканы жүзеге асыру бөлімінің басшысы қызметінде жұмыс жасап, 2018 жылдан бастап Стратегиялық бастамалары бөлімінің басшысы қызметін атқарды. 2017 жылы ҚР Білім және ғылым министрлігінің алғысымен марапатталды. Nonlinear Dynamics and Systems Theory, Kazakh mathematical journal, ғылыми-педагогикалық журналдарда, халықаралық және республикалық ғылыми-тәжірибелік конференциялардың жинағында мақалалары жарық көрді. Сонымен қатар, «Жоғары оқу орнын басқаруды автоматтандыру жүйесін практикалық қолдану», көп тілді білім беру бағдарламасы бойынша «Innovative Technologies of Teaching the English language for Academic and Professional Purposes», «Java programming» атты курстардан өтті. 2018-2020 жылдары әл-Фараби атындағы Қазақ ұлттық университетінің дифференциалдық теңдеулер кафедрасында аға оқытушылық қызмет атқарды. 2021 жылы Әл-Фараби атындағы Қазақ ұлттық университетінің 6D060100-Математика мамандығы бойынша докторантурасын бітірдім. Докторантурада оқып жүріп, Украинаның Киев қаласындағы Т.Шевченко атындағы Киев ұлттық университетінің жалпы математика кафедрасы мен Украина Ұлттық ғылымдар академиясының математика институтында ғылыми тағылымдамадан өткен.