Утепқалиев Серік Утепқалиұлы
ӨМІРБАЯН
Утепқалиев Серік Утепқалиұлы 1952 ж. Атырау облысы, Құрманғазы ауданы, Утера селосында дүниеге келген, ұлты қазақ, білімі жоғары, 1974 жылы Гурьев педагогикалық институтының физика-математика факультетінде «Лениндік степендия» иегері, үздік дипломмен математика мұғалімі біліктілігіне ие болды. 1977 ж. бастап Х.Досмұхамедов атындағы Атырау мемлекеттік университетінің алгебра және геометрия кафедрасында оқытушы, аға оқытушы; доцент, профессор қызыметін атқарып келеді. 1986–1990 жж. Ленинград қаласындағы Герцен атындағы университеттің аспирантурасында оқып, ғылыми жұмыстармен айналысты. 1993-1996 жж. физика-математика факультетінің, 1998-2000 жж. сырттай оқыту факультетінің декан орынбасары, бірнеше жылдар бойы қабылдау комиссиясының жауапты хатшы, физика – математика факультетінің деканы қызметін атқарды. 1998 ж. Ресей Білім Беру Академиясының ғылыми кеңесінде өзінің «Метеп оқушыларын өздігімен мазмұнды есептер шығаруға үйрету әдістемесі» тақырыбында педагогикалық ғылым кандидаты дәрежесін алуға арналған диссертациялық еңбегін қорғады. 2016 жылдан бастап Х.Досмұхамедов атындағы Атырау мемлекеттік университетінің «Математика және математиканы оқыту әдістемесі» кафедрасының профессоры, Ресей Жаратылыстану Ғылымдарының профессоры, Ресей Жаратылыстану Ғылымдарының құрметті ғылым докторы. Серік Утепқалиұлының 90-ден астам ғылыми мақалалары, 1 монографиясы, 2 оқулығы және 3 көмекші оқу-әдістемелік құралы жарық көрді. Утепқалиев Серік Утепқалиұлы ҚР Білім және ғылым министрінің Құрмет грамотасымен, бірнеше рет облыстық және қалалық әкімшіліктің Құрмет грамоталарымен және Алғыс хаттарымен, Республикалық «Білім беру лидері», «Халық мұғалімі» медальдарымен марапатталды, Халықаралық «Үздік тәлімгер» байқауының I-дәрежелі «Үздік педагог-тәлімгер» номинациясының иегері, Ресей Жаратылыстану Академиясының «Ғылым және білім беруге еңбегі сіңген қызметкері», Ресей Жаратылыстану Академиясының «Құрметті Ғылым докторы», Ресей Жаратылыстану Академиясының «Жоғары білім беру облысындағы Новаторлық қызметі үшін» алтын медалімен марапатталды, «Европалық сапа» алтын медалінің, «Исаак Ньютон» медалінің иегері, «Математика» дайындық курс тыңдаушыларына арналған – қазақ, орыс, ағылшын тілдерінде жазылған кітабы «BOOKEXPO AMERICA 2019» халықаралық көрмеде арнайы каталогқа еніп, сертификатқа және «BOOKEXPO AMERICA 2019» алтын медаліне және «Мектеп оқушылырын өздігімен мазмұнды есептер шығару үйрету әдістемесі» монографиясы «Үздік ақпараттық жоба» номинациясының сертификатына ие болды.