Барсай Бақыт Телжанқызы
ӨМІРБАЯН
Барсай Бақыт Телжанқызы 10.04.1949 ж. Атырау (Гурьев) облысы Қызылқоға ауданы Тасшағыл селосында туған, Мұқыр орта мектебінде оқып, 1966 жылы бітірген. Педагогика ғылымдарының докторы - 2010 ж., ЖАК қауымдастырылған профессоры - 2003 ж. 1966-1971 жж. Гурьев мемлекеттік педагогикалық институтының физика – математика факультетін - математика мамандығы бойынша оқып бітірген. 1971-1979 жж. Атырау (бұрынғы Гурьев) облысы Қызылқоға ауданы Мұқыр орта мектебінде математика пәнінің мұғалімі; 1979-1990 жж. директор; 1990-1992 жж. Атырау облыстық мұғалімдер білімін жетілдіру институтына басшы кадрлар кабинетінің меңгерушісі; 1992-1995 жж. Атырау қ. Қ.Сәтбаев атындағы № 19 қазақ орта мектебінің директоры; 1995-2000 жж. Х.Досмұхамедов атындағы Атырау мемлекеттік университетінің бастауышта оқытудың педагогикасы мен әдістемесі кафедрасында аға оқытушы, доцент; 2001-2008 жж. - педагогика, психология және өнер факультетінің деканы; 2010 жылдан осы кезге дейін физика-математика және ақпараттық технологиялар факультетінің математика және математиканы оқыту әдістемесі кафедрасының профессоры. 2000 ж. - Алматы қаласында Ы.Алтынсарин атындағы Қазақтың білім академиясында 13.00.02 - Математиканы оқытудың теориясы мен әдістемесі мамандығы бойынша «Бастауыш сынып математикасын оқытуда қазіргі технологияларды қолдануға болашақ мұғалімдердің даярлығын қалыптастыру» тақырыбында кадидаттық диссертация, 2010 ж. - Шымкент қаласында М.Әуезов атындағы Оңтүстік Қазақстан мемлекеттік университетінде «Болашақ бастауыш сынып мұғалімдерінің кәсіби-дидактикалық құзыреттілігін қалыптастырудың ғылыми-педагогикалық негіздері» тақырыбында докторлық диссертация қорғады. 170-тің үстінде ғылыми мақалалары отандық және шетелдік басылымдарда жарық көрді. Шетелдерде ғылыми тағылымдамалар: 2015 ж. Францияда, 2018 ж. Венгрияда тағылымдамадан өтті. Марапаттары: Қазақстан Компартиясы Орталық комитетінің Құрмет грамотасы (1980ж.), «Қазақ ССР халық ағарту ісінің үздігі» (1984ж.), «СССР халық ағарту ісінің озаты» (1986ж.), «Қазақстан Республикасы білім беру ісінің құрметті қызметкері» (2007ж.), «Қазақстан Республикасының ғылымын дамытуға сіңірген еңбегі үшін» (2012ж.), «Ы.Алтынсарин» төсбелгісі (2015ж.), ҚР БжҒ министрлігінің құрмет грамотасы (2005ж.),Қызылқоға ауданының құрметті азаматы (2019ж.). Жанұялы, ұлы Ақылбек пен келіні Гүлмира, жанұяда 4 немерелері өсіп келеді. Хобби: әдеби кітап оқу.