Шығанақова Айнагүл Тұрғанбайқызы
ӨМІРБАЯН
Шығанақова Айнагүл Тұрғанбайқызы, 21 тамыз 1981 жылы Гурьев қаласында дүниеге келді. 1987-1995 жж. Балықшы ауд. Құрсай п. Ы. Алтынсарин атындағы орта мектепте 9 сыныпты аяқтап, 10-11 сыныпты Балықшы п. техникалық лицейде оқып 1998 жылы бітірді. 1998-2003 жж. Х. Досмұхамедов атындағы Атырау мемлекеттік университетінің Физика - математика факультетінің «Математика және информатика» мамандығын оқып бітірді. 2001-2004 жж., яғни студент кезінен бастап алғашқы еңбек жолын «Ж.Досмұхамбетов атындағы дарынды балаларға арналған облыстық интернаттық мекемесі бар лицейде» математика және информатика пәнінің оқытушысы болып бастады. 2004-2008 жж. Атырау Бизнес және Құқық колледжінде информатика пәнінің оқытушысы және 2007 жылдан бастап «Ақпараттық» пәндер циклінің төрайымы болып қызмет атқарды. 2006-2008 жж. Х. Досмұхамедов атындағы Атырау мемлекеттік университетінің «Физика, математика және ақпараттық технологиялар» факультетінің магистратура бөліміне түсіп, «Математика магистрі» академиялық дәрежесін алып шықты. 2008 жылдан бастап Х. Досмұхамедов атындағы Атырау мемлекеттік университетінің «Физика, математика және ақпараттық технологиялар факультетінің «Математика және математиканы оқыту әдістемесі» кафедрасында магистр, оқытушы, мамандық эдвайзері болып қызмет етеді. Оқытушылық қызметімен қатар, 2011-2015 жж. «Академиялық ұтқырлық және халықаралық байланыстар» бөлімінде әдіскер болып, сонымен қатар «Бота» ҚҚ-ның координаторы болып қызмет атқарып, «Бота ҚҚ-ның» Алғыс хатымен марапатталды. Ұлттық тестілеу орталығының «Құрмет грамотасы» мен «Алғыс хатымен» марапатталды. 1 оқу-әдістемелік құралы жарыққа шықса, 7 мақаласы Халықаралық, Республикалық көлеміндегі журналдарға, ал 6 мақаласы осы аталмыш университетіміздің конференцияның мақалалар жинақтарында жарыққа шықты. Жанұялы, жанұяда 6 бала, 1 немере тәрбиелеп отыр.