23 ақпан 2022 жыл

«Мемлекеттік қызмет мектебінің» арнайы кабинеті ашылды

       Х.Досмұхамедов атындағы Атырау университетінде «Мемлекеттік қызмет мектебі» ҚР Мемлекеттік қызмет істері агенттігінің Атырау облысы бойынша департамент филиалы аудиториясының ашылу рәсімі өтті. Салтанатты жиынға «экономика және мемлекеттік басқару» мамандығының студенттері, профессор-оқытушылары қатысты.
       Университеттің басқарма төрағасы-ректор Саламат Идрисов «Оқу орнынан экономика және мемлекеттік басқару саласы бойынша білікті мамандардың көптеп шығуы - біз үшін үлкен мақтаныш» деп атап айтса, Мемлекеттік қызмет істері агенттігінің Атырау облысы бойынша департаментінің басшысы, Әдеп жөніндегі кеңес төрағасы Ерлан Ермаханбетов аудиторияда мемлекеттік қызметте жүрген лауазымды тұлғалардың студенттермен жүздесіп, дәрістер оқуы, семинар-тренинг, дөңгелек үстелдер өткізуі жоспарланып отырғанын жеткізді.
      Сондай-ақ, Атырау облысының Құрметті азаматы, профессор Бақтыбек Жұбандықұлы Таубаев, «менеджмент» кафедрасының меңгерушісі, педагогика ғылымдарының кандидаты Райхан Уталиева, «Қылмыстық- құқықтық » пәндер кафедрасының аға оқытушысы Қаділбек Тұрдалиев сөз сөйлеп, жылы лебіздерін білдірді. Мазмұнды шара соңында «экономика және мемлекеттік басқару» мамандығының 3 курс студенті Ләззат Қалмырза студенттер атынан алғысын айтты.