Х.Досмұхамедов атындағы Атырау университетінде «Мемлекеттік қызмет мектебінің» арнайы аудиториясында экономика және құқық факультеті менеджмент кафедрасының ұйымдастыруымен мемлекеттік қызметте жүрген лауазымды тұлғалардың «экономика және мемлекеттік басқару» мамандығының 3,4 курс студенттермен кездесуі өтті.  Жиында университеттің Басқарма төрағасы-ректор Саламат Нұрмұханұлы Идрисов,  ҚР Мемлекеттік қызмет істері агенттігінің Атырау облысы бойынша департаментінің басшысы, әдеп жөніндегі кеңес төрағасы  Ерлан Мейрамханұлы Ермаханбетов, «ҚМГ Қашаған Б.В.» ЖШЖК-ның өндірістік жоспарды іске асыру және қолдау жөніндегі менеджері Олжас Ержанұлы Кәрібаев, «ASPAR Kachagan» компаниясының персонал жөніндегі сараптамалық орталығының менеджері Рустам Таңатұлы Мусин сөз сөйлеп, жылы лебіздерін білдірді. Сондай-ақ, өз кезегінде студенттер сұрақтарын қойып, нақты жауаптарын алды.
     Мазмұнды шара соңында «экономика және мемлекеттік басқару» мамандығының 3 курс студенті Ләззат Қалмырза студенттер атынан алғысын айтып, қатысқан қонақтарға сыйлықтар табыс етті.