Ойыл өзені не себепті құрғап кетті?
Осындай атаумен 3 наурыз күні Х. Досмұхамедов атындағы Атырау университетінде Жаратылыстану және ауыл шаруашылығы ғылымдары факультетінің ұйымдастыруымен дөңгелек үстел өтті.
Жиын Атырау мен Ақтөбе облыстары ұйымдарының өкілдерімен екі облыс үшін трансшекаралық болып табылатын Ойыл өзенінің геоэкологиялық проблемаларын шешу және Ойыл өзенінің ағындарын қалпына келтіру мақсатында ұйымдастырылды.
ZOOM платформасы арқылы өткен шарада Қызылқоға ауданы, Миялы ауылының тұрғыны, Қорғаныс саласының зейнеткері Есенбай Сәмекұлы «Ойыл-Қиыл» өзенінің проблемалары туралы, Баишев университетінің ауыл шаруалылық және экология кафедрасының доценті Ержан Тажибайұлы Ақтөбе облысы кіші өзендері флорасының тарихи зерттелуі турасында, «Атыраугидрогеология» ЖШС бас директоры Нұргүл Едігеқызы Ойыл өзеннің жер асты суларымен байланысы жөнінде баяндамаларын жасады,
Баишев жоғары медициналық колледж арнайы пән оқытушысы Нұрлан Ізденұлы Ойыл өзенінің экологиялық апаттан құтқару мәселесі бойынша атқарылған жұмыстары туралы, «Жайық-Каспий бассейіндік инспекциясы» РМК басшысы Ғалидолла Азидоллаұлы Ойыл өзенінің бойындағы бөгеттер бойынша атқарылатын іс шаралар туралы, Баишев университеті, Ғылым және инновация департаментінің директоры Нұржан Қажмұратұлы Өзендер мен көлдер құрғау секілді экологиялық мәселелерді шешудегі ғылыми көзқарастар туралы, Баишев университетінің ауыл шаруашылық және экология кафедрасының аға оқытушысы Салтанат Ибрагимқызы Ақтөбе облысы өзендерінің жай-күйін экологиялық бағалау мәселесі жөнінде өз ойларын ортаға салып, Ойыл өзенінің проблемаларын, оның Қызылқоға ауданын сумен қамтамасыз етудегі рөлі талқылады.
ПІКІРЛЕР