САЯСИ ҚУҒЫН СҮРГІН ҚҰРБАНДАРЫН АҚТАУ ТУРАЛЫ НҰР-СҰЛТАНДАҒЫ ДӨҢГЕЛЕК ҮСТЕЛ
2021 жылғы 26 ақпанда Х. Досмұхамедов атындағы Атырау университетінің тарихшы-ғалымдары Еуразия ұлттық университетінде өткен «Қазақстандағы саяси қуғын-сүргін: спецификасы және өзіндік ерекшелігі» тақырыбында дөңгелек үстел отырысына қатысты.
Іс-шараны Саяси қуғын-сүргін құрбандарын толық ақтау жөніндегі мемлекеттік комиссияның әдіснама жөніндегі шағын комиссия, Еуразия ұлттық университеті, Ш.Ш. Уәлиханов атындағы Тарих және этнология институты, Мемлекеттік тарих институты, «Қаһармандар» республикалық қоғамдық қоры ұйымдастырды. Іс-шараның ашылуында Еуразия ұлттық университетінің ректоры, Қазақстан тарихшылары ұлттық конгресінің төрағасы, ҚР ҰҒА академигі Ерлан Сыдықов құттықтау сөз сөйледі. Шараны Л.Н. Гумилев атындағы ЕҰУ-нің проректоры, ҚР ҰҒА академигі Дихан Қамзабекұлы жүргізді.
Шара барысында саяси қуғын-сүргін құрбандарын толық ақтаудың теориялық және әдіснамалық мәселелері, тарихи жады саясатын іске асыру, саяси репрессия саясатының ерекшеліктері және оның мұрағаттық құжаттарда көрініс табуы туралы баяндамалармен Саяси қуғын-сүргін құрбандарын ақтау мемлекеттік комиссияның әдіснама жөніндегі шағын комиссия кеңсесінің төрағасы, заң ғылымдарының кандидаты Сабыр Қасымов; ҚР Парламенті Мәжілісінің депутаты, Қоғамдық сенім Ұлттық кеңесінің мүшесі Айдос Сарым; Мемлекет тарихы институтының директоры, т.ғ.д., профессор Еркін Әбіл; Ш.Ш. Уәлиханов атындағы Тарих және этнология институтының директоры, ҚР ҰҒА мүше-корреспонденті Зиябек Қабылдинов; Е. Бөкетов атындағы Қарағанды университетінің ректоры, ҚР ҰҒА мүше-корреспонденті Нұрлан Дұлатбеков; Абай атындағы Қазақ Ұлттық педагогикалық университетінің профессоры, ҚР ҰҒА академигі Мәмбет Қойғелдиев; Әл Фараби атындағы Қазақ Ұлттық университетінің профессоры, ҚР ҰҒА құрметті академигі Талас Омарбеков; Қазақ Ұлттық Аграрлық университеті «Рухани жаңғыру» гуманитарлық зерттеулер орталығының директоры, ҚР ҰҒА академигі Хангельды Әбжанов; Философия, саясаттану, дінтану Институтының бас ғылыми қызметкері, филос.ғ.д., профессор Бақытжан Сатершинов; Корей этномәдени бірлестігі басшысының бірінші орынбасары, т.ғ.д., профессор, Георгий Кан; Л.Н. Гумилев атындағы ЕҰУ-нің профессоры, т.ғ.д. Альбина Жанбосынова; Әл Фараби атындағы Қазақ Ұлттық университеті түлектері Қауымдастығының төрайымы, т.ғ.к. Күлғазира Балтабаева сөз сөйледі.
Спикерлер қатарында Х. Досмұхамедов атындағы Атырау университеті ҚХА Институтының директоры, т.ғ.д., профессор, Саяси қуғын-сүргін құрбандарын толық ақтау Республикалық Мемлекеттік комиссия жұмысшы тобының мүшесі Жанна Кыдыралина «Репрезентативность архивных источников спецорганов по истории политических репрессий: специфика и перспективы их изучения» атты баяндама жасады. Ол өз баяндамасында жаңа интеллектуалды тарих, идеялар, дискурс тарихы және саяси репрессиялар жөніндегі арнайы органдардың мұрағаттық деректеріне сенімі және оларды зерттеу спецификасы туралы мәселелер қозғады.
Комиссияның жұмыс топтары қатарындағы көп баяндамашылар өз сөздерінде қызметтің негізгі бағыттарын белгіледі.
Жанна Қыдыралина,
ҚХА институтынң директоры,
т.ғ.д., профессор
ПІКІРЛЕР