Студенттер ауған соғысының ардагерімен кездесті
22 ақпанда Ispace коворкинг орталығында 1979-1989 жылдар аралығында Ауған соғысына қатысқан майдангер-ардагер Қайрекешев Нұрлыбек Қамалұлының университет студенттерімен кездесуі өтті. Кездесудің мақсаты - ел ержүректерінің ерлік ісін, батыл әрекеттерін, жеңісін кейінгі ұрпаққа дәріптеу, ұлтжандылыққа шақыру, отансүйгіштікке баулу.
Жастық ғұмырын майданда өткізген Нұрлыбек Қамалұлы жастарға сұрапыл соғыс уақытындағы оқиғалармен бөлісіп, ерлік үлгісін көрсеткен майдандастарымен өткен естелік күндері туралы баяндады.
Жер реформасын енгізу, діндарларды қудалау, ағарту саласындағы өзгерістер, кеңестік мамандарды көбірек пайдалану, жергілікті көшпелі тайпалардың әдет-ғұрпымен, салт-мүддесімен санаспау, т.б. бұқара халықтың наразылығын тудырды. Осының салдарынан туындаған соғыс өртіне мойымай кіріп, ерлік көрсеткен ер азаматтардың батырлық әрекеттері ешқашан ұмытылмайды.
Осындай рухани шаралардың жиі ұйымдастырылуы студенттердің елжанды, батыл, қайсар болып өсуіне қолайлы жағдай тудырады.
ПІКІРЛЕР