«Жастар» коворкинг орталығы ашылды
22 ақпанда Жастар саясаты департаментінің қолдауымен IG GROUP студенттер командасы Х.Досмұхамедов атындағы Атырау университетінің 70 жылдық мерейтойына орай тарту еткен «Жастар» коворкинг орталығының ашылу салтанаты өтті.
Салтанатты шараны әлеуметтік мәселелер және жастар саясаты жөніндегі проректор Ләйлә Ерболатқызы ашып, студенттерге «Алғыс хат» табыстады.
Сонымен қатар, IG GROUP cтуденттік командасы жоғары жетістігі үшін ақшалай сыйақымен марапатталды.
Шара барысында, жастар саясаты департаментінің директоры Бибінұр Бүркітқызы құттықтау сөзін сөйлеп, «Ең үлгілі бөлме» номинациясы бойынша жатақхана тұрғындарын марапаттаса, Инновациялық білім беру факультетінің деканы Муханбетжанова Ақмарал Утепбергеновна «Ең үздік кезекші» номинациясы бойынша марапаттады. «Ең үздік, ең таза ас бөлме» номинациясы бойынша марапаттар легін Талғат Темірғалиұлы табыстады.
Шара соңы №2 студенттер үйінің коменданты Айман Борисқызы құттықтау сөзімен және студенттердің әсем әуенімен аяқталды.
ПІКІРЛЕР