М.Мақатаевтың 90 жылдығына арналған "Жырлайды жүрек" атты әдеби-сазды кеші
9 ақпанда мұзбалақ ақын Мұқағали Мақатаевтың 90 жылдығына арналған "Музыка және өнер" кафедрасының ұйымдастыруымен "Жырлайды жүрек" әдеби сазды кеші өтті. Кештің мақсаты - ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау, поэзиясының халыққа кең таралуының мәні және оның өміршеңдігінің сыры неде екенін таныту, сезіндіру, шығармашылығының музыкасымен үндесу ерекшелігін, ақынның сөзіне жазылған әндерін көпшілік назарына ұсыну. Кеш барысында өнерлі студенттер өз шығармашылығымен көрермендердің ерекше ықыласына бөленіп, ақынның әсем әндері мен сыршыл поэзиясын тарту етті. Талантты студенттер "Есіңе мені алғайсың", "Туған өлке", "Мен сені ұнатамын" т.б. әндерін тамылжыта орындаса, "Ей, өмір", "Поэзия, менімен егіз бе едің?!", "Өкінбеймін", "Дос болам десең" т.б. өлеңдерін мәнерлеп оқыды.
Мұқағали-мәңгілік өмір! Ақын мұрасы,маржан поэзиясы-болашақ ұрпақтың еншісі, қастерлеп қадірлейтін мұрасы, ақын көкірегінен буырқана ағылған жыр жанартаулары өлеңқұмар халыққа таусылмайтын сый, мол қазына болып қала бермек. Кеш соңын бір топ студенттер "Алелуйя" өлеңімен қорытындылады.
ПІКІРЛЕР