АТЫРАУДАҒЫ МИНИСТРЛІК КҮНДЕРІ
ҚР Ақпарат және қоғамдық даму министрлігі ағымдағы жылдың 8 ақпанында «Өңірлердегі Министрлік күндері» аясында Атырау облысында Стратегиялық сессиясын өткізді. Сессия барысында аталған министрлігі Этносаралық комитетінің және оның жанындағы «Қоғамдық келісім» Республикалық мемлекеттік мекемесі мен Қолданбалы этносаясат зерттеулер институтының өкілдері қоғамдық және тарихи сананы жаңғырту саласындағы бағдарламаларды одан әрі тиімді іске асырудың жаңа тәсілдері мен өзекті мәселелері бойынша 2 онлайн-семинар ұйымдастырды.
Семинарларға жергілікті атқарушы органдардың және облыстағы Қазақстан халқы Ассамблеясы құрылымдардың, этномәдени бірлестіктерінің өкілдері, солардың ішінде Х. Досмұхамедов атындағы Атырау университеті ҚХА Институтының директоры қатысты. Шарада Министрліктің жергілікті атқарушы органдармен іс-қимылы және ұйымдастырушылық-әдістемелік қолдауы, қоғамдық сананы жаңғырту саласында ақпараттық ресурстарда, интернет кеңістікте ақпараттық-түсіндіру жұмысын күшейту мәселелері көтерілді.
Министрліктің орталық органдарының басшылары Қазақстан халқы Ассамблеясының биылғы жылы іске асырылатын «Жалпыазаматтық бірегейлікті қалыптастыру», «Қазақстандық этностардың алуан түрлілігін рухани-мәдени дәріптеу» ақпараттық, әлеуметтік, ғылыми, білім беру және мәдени-ағартушылық жобалар аясында атқарылатын шаралармен, олардың ішінде ғылыми-сараптамалық жұмысшы топтарды құру, Қазақстан этностарының тарихы мен мәдениеті туралы ғылыми-танымдық еңбектер, энциклопедиялар шығару, архивтерде жұмыс істеу, экспедициялар ұйымдастыру, т.б. таныстырды.
Жуырда қоғамдық және тарихи сананы жаңғырту саласындағы бағдарламалар мен жобалар төңірегендегі жүктелген жұмыстарды қолға алу мәселелеріне байланысты Атырау облысы ҚХА Ғылыми-сараптамалық тобының жиыны өткізіледі.
Жанна Қыдыралина,
Қазақстан халқы Ассамблеясы
Институтының директоры,
тарих ғылымдарының докторы, профессор
ПІКІРЛЕР