Амангелді Дулатұлы мерейлі 70 жаста
15 қаңтарда ардагер ұстаз, ғалым, физика - математика ғылымдарының кандидаты, профессор Амангелді Дулатұлы Сариевтің 70 жылдық мерейтойына арналған «Физика-математика ғылымдарының қазіргі заманғы проблемалары және пәнаралық зерттеулер» атты Халықаралық ғылыми-тәжірибелік онлайн конференциясы өтті.
Секциялық мәжіліс Физика-математика ғылымдары және пәнаралық зерттеулер мен білім берудегі заманауи технологиялар мен инновациялық үдерістер аясында ұйымдастыралды.
Модератор – Басқарма Төрағасы-ректор Саламат Нұрмұханұлы конференцияны ашып, алғашқы баяндамашыға сөз берді. «Ақылды оқулықтарды жасаудың технологиясы туралы» аясында техникалық ғылымдардың докторы, профессор Алтынбек Шәріпбай Әмірұлы өзекті мәселелерді көтерді.
Конференцияның екінші бөлімі профессор Амангелді Дулатұлы Сариевті мерейлі жасымен құттықтаулар легімен жалғасты.
Нақты ғылымдар аясында жүйелі тақырыптарды қамтыған әдістемелік онкүндік нәтижесінде тың тақырыптар көтеріліп, негізгі ұсыныстар мен тілектер айтылды.
Шараның жабылу салтанатында мерейтой иесі Амангелді Дулатұлына Басқарма Төрағасы-ректор Саламат Нұрмұханұлы көпжылдық жемісті жұмысы, жоғары білімнің дамуына және жаңа буын мамандарын дайындауға қосқан үлесі үшін ҚР ЖОО қауымдастығының «Ахмет Байтұрсынов» атындағы алтын медалін табыс етті. Сондай-ақ, мерейгерге еліміздің түкпір-түкпіріндегі жоғары оқу орындары басшылары және әріптестері тарапынан толассыз құттықтаулар арналды.
ПІКІРЛЕР