Конференцияда бұқаралық спортты дамытуды талқылады
«Қазақстан Республикасы спортының жоғары жетістіктерінің негізі - білім жүйесіндегі дене шынықтыру және бұқаралық спорттың инновациялық технологиялары» республикалық ғылыми-тәжірибелік конференциясы 24 сәуірде Атырау университетінде басталды.
Ғылыми форумға ресейлік және отандық танымал тұлғалар, спорт саласының майталмандары, олимпиада чемпиондары қатысты. Бүгінгі таңдағы мектептердегі дене шынықтыру пәнін жетілдіру мен бұқаралық спортты дамытудағы көкейкесті мәселелерді талқылаған конфеернция Атырау аймақтық дене тәрбиесі және спорт орталығының 15 жылдығы аясында ұйымдастырылған. Конференцияның бірінші күні пленарлық және секциялық мәжілістер өтіп, теориялық және әдістемелік тақырыптардан пікіралмасулар жүрді. Екінші күні практикалық жұмыстар бойынша Атырау университетінің спорт кешенінде 1-10 сынып оқушылары арасындағы спорттық-интеллектуалдық эстафетасының қорытынды сайысы, Атырау мұнай және газ университетінде баскетболдан студенттер арасындағы жарыс, Талғайраң ауылындағы тоғайда мектептік туризм және спорттық бағдарлаудан жарыс ұйымдастырылды. Ғылыми конференцияның өтуіне университеттің өнер және спорт факультетінің дене тәрбиесі және бастапқы әскери дайындық кафедрасының оқытушылары үлес қосты.
ПІКІРЛЕР