«Заңғар» жобасы аясында екінші STEM және Өнер фестивалі өтеді
АТЫРАУ, Қазақстан, 30 сәуір 2017 жыл, 11.00 – 16.00 – «Заңғар» жобасы аясында екінші STEM және Өнер фестивалі, немесе STEAM Fest, «Шеврон» компаниясы, APEC PetroTechnic және жергілікті серіктес ұйымдармен әріптестікте Халықаралық жастар қорының (International Youth Foundation) ұйымдастыруымен өтеді.
Іс-шараның мақсаты – оқушылар мен студенттердің STEM-білім беруді үйренуге қызығушылықтарын арттыру және өнерді дамытудағы STEM мүмкіндіктерін мектеп оқушылары мен студенттерге көрсету. Сонымен қатар, Фестивальдің «Отбасыңмен қала сал!» ұраны іс-шараның отбасылық деңгейде өтетінін көрсетіп, балалар мен ата-аналарды өздерінің уақыттарын қызықты және пайдалы өткізуге шақырады.
STEAM – бұл Science (ғылым), Technology (технологиялар), Engineering (инженерия), Art (өнер) және Math (математика) ағылшын сөздерінің қысқартылған атауы. STEAM Fest Атырау жастарына инженерлік дизайн, бағдарламалау, робототехника және көптеген басқа ғылым негіздерін оңай жолмен үйрену арқылы нақты ғылымдар бойынша білімдерін тәжірибе жүзінде қолдануға, яғни жастар арасында STEM-бағытын кеңінен танымалдандыруға бірегей мүмкіндік береді. Екінші Фестивальдің ерекшелігі – ол қатысушыларға өнерді нақты ғылымдар тұрғысынан қарастыру және, бір қарағанда, бір-бірімен байланысты емес екі бағыттың өзара байланысын көру мүмкіндігін береді. Қатысушылардың жасына байланысты, Фестивальде STEM және өнер бағыттары бойынша бағдарламалардың демо-нұсқалары мен мастер-класстар ұсынылады, оқушылар мен студентттер нақты ғылымдар саласындағы өз білімдерін тәжірибе жүзінде қолдана алады.
STEAM Фестивалі қатысушыларының жұмыстары өздеріне ортақ Zangar-City мен Дино-мұражайы жобаларын құрылысында көрініс табады. Сонымен қатар, жастарды «Заңғар» жобасы робоклубтарының арасындағы спорттық робототехника бойынша сайыстар күтеді. Халықаралық жастар қорының жергілікті серіктестері «Bolashak Engineering» пен «Sumato Batys» компаниялардың көмегімен STEM жаттығулардың алуан түрі ұйымдастырылған. Өнер бағытында Ш. Сариев атындағы Атырау облысы өнер мұражайы және «Bolashak Engineering» компаниясының түрлі инсталляциялары, сонымен қатар, ArtLab өнер студиясы және зергерлік өнер мен қыш шеберлерінің мастер-класстары ұсынылады.
ПІКІРЛЕР