TEKSAN компаниясы Атырау университетінің жас ғалымдарына қолдау көрсетеді

TEKSAN компаниясы Атырау университетінің жас ғалымдарына қолдау көрсетеді

Өткен аптада қазақстандық TEKSAN компаниясының өкілдері Атырау университетінің ғалымдарымен кездесті. Әлемге электр энергиясы саласындағы өнімдерімен танымал компания университеттің құрылымымен және инновациялық бағыттағы жобаларымен танысты.

Сондай-ақ әріптестер университеттегі «Science cafe» (Ғылыми кафесінің) кезекті отырысына да қатысты. Ғылыми кафені университеттің Бірінші проректоры-Стратегиялық жоспарлау және халықаралық байланыстар жөніндегі проректор Айгерім Шилібекова кіріспе сөзбен ашып, ғалымдардың кездесу мақсатына кеңінен тоқталды. Одан соң, профессор Ведат Қырай баяндама жасап, Қазақстандағы санаулы әріптестік бастамалардың бірі болып отырған Университетпен бірге жүргізілетін жобаны таныстырды. Бұл Университет-мемлекет-өндіріс аясындағы бірлестік негізінде ЭКСПО-2017 халықаралық көрмесіне Атырау облысы атынан ұсынылатын жоба болып табылады. Аталған жоба құрамына Түркия ғалымдары, TEKSAN компаниясы және Атырау университетінің ғалымдары енгізіліп, 2016 жылдың мамыр айында бірлескен жұмысшы тобы құрылған болатын. Топтың ғылыми-зерттеу және конструкторлық қызметі «жасыл» технологиялар жобасын жүзеге асыруға бағытталған. Ведат Қырайдың баяндамасында TEKSAN компаниясы мен Атырау университетінің бірлескен «Экоағаш» пен «Айналмалы шатырлы күрке» жобалары кеңінен таныстырылды. Жобаны коммерциялау жағы «ASU Innovations» коммерцияландыру және инновация орталығымен жүзеге асырылатын болады. Кездесу нәтижесінде аталмыш жобаларды іске асыру бойынша Атырау университеті мен TEKSAN компаниясы арасында екі жақты келісімшартқа қол қойылды.

ПІКІРЛЕР

Тізімге қайта оралу

ЕЛІМІЗДІҢ ЖОҒАРЫ ОҚУ ОРЫНДАРЫНДА 25%-ҒА АРТТЫРЫЛҒАН СТИПЕНДИЯ БЕРІЛЕ БАСТАДЫ

22 Янв 2020 7

ҚР Президенті Қ. Тоқаев Жастар жылының жабылу салтанатында 2020 жылдың қаңтарынан бастап жоғары оқу орындары мен колледж студенттерінің стипендиясы 25 пайызға көтерілетінін мәлімдеді. ҚР Білім және ғылым министрлігі жергілікті атқарушы органдармен бірлесе отырып, Мемлекет басшысының тапсырмасын орындау бойынша шаралар қабылдады.

Ермахан Ибраимов университетімізде қонақта

21 Янв 2020 71

Х.Досмұхамедов атындағы Атырау мемлекеттік университетінде бокстан Сидней олимпиадасының чемпионы, халықаралық дәрежедегі спорт шебері Ермахан Ибраимовпен кездесу өтті.

Спартакиада жеңімпаздары анықталды

17 Янв 2020 79

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.

Әбу Насыр Әл-Фараби - 1150 жыл

16 Янв 2020 100

Шығыстың ғұлама ойшылы Әбу Насыр Әл-Фарабидің 1150 жылдық мерейтойына орай ғылыми ақпарат және сирек кездесетін әдебиеттер бөлімінде «Әл-Фараби - өркениет философы» тақырыптық әдебиеттер ұсыныс-тізімі жасалып,  «Бабалар сөзі - тәрбие көзі» кітап көрмесі ұйымдастырылды.

Андре Карстенс университетімізде

15 Янв 2020 66

Бүгін Х.Досмұхамедов атындағы Атырау мемлекеттік университетінде Қазақстандағы Нидерланды мемлекетінің елшілігінен келген Андре Карстенспен кездесу өтті.