«Жаc маман - 2017»
Кеше Х.Досмұхамедов атындағы Атырау мемлекеттік университетінде түлектерді жұмысқа орналастыру мақсатында «Жас маман – 2017» жәрмеңкесі ұйымдастырылды.
Жәрмеңкеге 47 – білім саласынан, 78 – педагогикалық емес мамандықтардан, барлығы 125 жұмыс беруші мекеме қатысты.
Биыл университетті күндізгі бөлімде оқитын 679 студент бітіреді. Бүгінгі күні педагогикалық мамандықтарды бітіргелі отырған 250 студенттің 100-ге жуығы қазірдің өзінде мемлекеттік педагогикалық тәжірибеден өту нәтижесінде жұмысқа қабылданып үлгерген. Ал «Жас маман - 2017» жәрмеңкесі нәтижесінде тағы 62 бітіруші түлекті жұмысқа орналастыруға мүмкіндік туды.
Жалпы жәрмеңке қорытындысына сәйкес математика, физика, информатика, химия, орыс тілі мен әдебиеті, орыс тілінде оқытпайтын мектептердегі орыс тілі мен әдебиеті, дефектология, музыкалық білім, бейнелеу өнері және сызу, дене шынықтыру және спорт мамандықтарына сұраныстың жоғары екендігін атап өткіміз келеді.
Жәрмеңкеге жергілікті басқару, құқық қорғау органдарының, банк, жауапкершілігі шектеулі серіктестіктердің, туристік фирмалардың өкілдері белсенді қатысты.
ПІКІРЛЕР