Журналистер тарихтан сыр шертті

Журналистер тарихтан сыр шертті

Кеше Қорқыт ата атындағы мемлекеттік университетінде журналистика мамандығы бойынша  9 республикалық пән олимпиадасы басталды. Бұл білім бәсекесіне 13 жоғары оқу орнынан 39 студент қатысып, бақ сынауда.

Олимпиадаға қатысушылар алғашқы күні университеттің «Археологиялық және этнография», «Елбасы және тәуелсіз қазақстан» көрме залдарымен танысып, «физика-химиялық талдау әдістері» инженерлік бейіндегі зертхана жұмыстарына да куә болды. Сондай-ақ, қатысушылар болашақты бағамдаған Қорқыт ата университетінің  мұражайын тамашалады.

Тарихи мұражай 1997 жылы университеттің 60 жылдық мерейтойы қарсаңында ашылған. Мұражайдың негізгі қорында 208 экспонат болса, көмекші қорда 729 экспонат жинақталған. Сонымен қатар, университеттің 1941-1945 соғыс жылдарындағы кезеңдегі қызметі туралы деректер, тарихи фотосуреттер, заттай экспонаттар, құжаттар сақталуда. Соғыс жылдары Қызылорда қаласында Киев және Харьков университеттерінің филиалы ашылуына байланысты Біріккен Украина мемлекеттік университетінің ғимаратына орнатылған ескерткіш тақтаның фотосуреті, 1948 жылы педагогикалық институттың жанынан бастауыш және орталау мектептер үшін кадрлар даярлайтын екіжылдық мұғалімдер мектебінің ашылуы көрсетілген. Университеттің этнографиялық мұражайы оқу-тәрбие процесінде маңызды роль атқарады. Мұражайда қазақ халқының тұрмысы мен салт-дәстүрін айқындайтын өткен ғасырдың айшықтары сақталуда.

Ал, байқаудың алғашқы турында олимпиада қатысушылары өздерін толықтай таныстырып өтсе, келесі бөлімде ой жүйріктері мен сөз дүлділдерін анықтау мақсатында берілген тақырыптар бойынша эссе жазды. Одан әрі қатысушылар университетің жас ақындары Марат Дауылбай мен Бақытбек Сұлтан Бейбарыс  Алматұлының  «Жүректегі жауһар жырлар» атты шығармашылық кешіне қатысып, өлеңмен сусындады. Кейін студенттерге  Қызылорда өлкесін таныстыру мақсатында қаланың  көрікті жерлерін аралатты. Ал бүгін байқауға қатысушылар біліктілік пен білімділікті шыңдау мақсатында тест тапсырып, журналист үшін шапшаңдық пен жылдамдықты  талап ететін «Жедел ақпарат» бөліміне өтті. Үміт пен қорқыныш, толқу мен тербеліс ке ұштасатын сайыстың жабылу рәсімі Мұстафа Шоқайтану орталығында өтеді.

Айнұр Есенғали, SDU қатысушы:                

-Мен бұл сайыстан алдымен, әділдікті күтемін. Қатысушы студенттердің барлығы да алғыр, көздерінен от ұшқындап тұр. Қызылорда өңірінде болып жатқан олимпиада жоғарғы деңгейде өтуде. Осындай сайыстар арқылы біз өзімізге жаңа достар таптық. Барлық қатысушыларға сәттілік, ал өзімізге жеңіс тілеймін!

ПІКІРЛЕР

Тізімге қайта оралу

"Kids University" балалар лагері ашылды

17 Июн 2019 5

Жазғы маусымның басталуына орай, лагерь алғашқы кезеңге 3 маусымнан бастап демалушыларды қабылдады. 10 күнге арналған жазғы лагерьге каникулдарын тиімді өткізуге келген 25 оқушы қатысты.Балалардың алғашқы күні салтанатты түрде студенттік билет алып, лагерьмен танысумен басталды.

Табысқа жету жолы

10 Июн 2019 97

Х. Досмұхамедов атындағы АтМУ студенттердің өзін – өзі басқару апталығы аясында студенттерге Корпоративті оқыту орталығының директоры Сұлтанова Зумрат Ғабитқызы«Табысқа жету жолы» атты тренингін өткізген еді.

Нұр-Сұлтан қаласындағы Қазақстан халқы Ассамблеясының форумы

4 Июн 2019 63

2019 ж. 29-31 мамыр аралығында ел астанасында Қазақстандағы кеңес кезіндегі жаппай саяси қуғын-сүргін және ашаршылық құрбандарын еске алу күніне арналған Қазақстан халқы Ассамблеясының X Халықаралық форумы өтті.

Жүзуден семинар болып өтті

3 Июн 2019 102

Атырау аймақтық дене тәрбиесі және спортты дамыту орталығы мен университетіміз бірігіп Атырау облысының мектептерінің дене шынықтыру пәнінің 50 оқытушысына «Жазғы сауықтыру науқаны кезеңінде балдарды жүзуге үйрету» тақырыбында оқу – әдістемелік семинар өткізді.

Университет Самбо командасы биік тұғырда

3 Июн 2019 37

      Ақтөбе қаласында 21-25 мамыр аралығында өткен Х жазғы универсиадасында спорттық Самбодан университет құрама командасы  жоғары жетістікке қол жеткізді.