Тәуелсіздік - тұғырым !
Х.Досмұхамедов атындағы Атырау Университетінің Инновациялық білім беру факультеті «Мектепке дейінгі және бастауыш білім беру» кафедрасы «Бастауышта оқыту педагогикасы мен әдістемесі» мамандығының 3 курс-301 топ студенттерінің ұйымдастыруымен «Тәуелсіздік- тұғырым» атты тәрбиелік шара өтті. Топ кураторы - «Мектепке дейінгі және бастауыш білім беру» кафедрасының қауымдастырылған профессоры Ұлдай Туленова Талқашқызы.
Мақсаты - Қазақстан Республикасының Тұңғыш Президенті Н.Ә.Назарбаевтың атқарған қызметтерін үлгі етіп насихаттай отырып, еліміздің тәуелсіздік алу жолындағы ата-бабаларымыздың ерлігін паш етіп, студенттерге Желтоқсан құрбандарымен, Желтоқсан оқиғасына қатысқан аға-апалардың ерлігін үлгі етіп патриоттық тұрғыда тәрбиелеуге баулу.
Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 29 жыл ішінде тәуелсіз Қазақ елін қалыптастырып, нарықтың қиын кезеңдерін аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқашан да айтып өтеміз.
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті.
Алтайдан Алатауға дейін ұлан – ғайыр жерді мекен еткен ата – бабаларымыз тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілікке барған. Қаракерей Қабанбай, Қанжығалы Бөгенбай батырлардан бастап, Иса Досан, Шотан батырлар,беріректе Бауыржан, Мәншүк, Әлия сынды батырлар сол ел қорғауды ұран еткен, сол үшін құрбан болып, ел құрметіне бөленген батырлар.
Ресейдің езгісінде болып, тіліміз бен дінімізден безіп, орыстанғалы тұрғанда Қайрат Рысқұлбеков, Ләззат Асанова сияқты қыршын жастардың құрбандыққа баруы арқасында ғана тәуелсіздік алып, егеменді ел болдық.
Қазақ халқы еркіндікке жету үшін қаншама қиын – қыстау кезеңдерді бастан кешірді. Мыңдаған жылдық тарихы бар, Қазақстан өз тәуелсіздігін алды. Ал, 1986 жылғы оқиға халықтың есінде мәңгі сақталады.
16 – желтоқсанда қазақ жастары Орталық алаңға шығып, Қазақстан тәуелсіздігін талап етті.
Бұл күн - Қазақстан тарихында тәуелсіз Қазақстан Республикасының туған күні деп алтын әріппен жазылды. Сондықтан да желтоқсан бүкілхалықтық мереке.
Қазақстан жоғары Кеңесі 1991ж. 16 желтоқсанда Қазақстанды тәуелсіз Республика деп жариялады. Екі жүз жылдай патшалық Рессейдің отары, жетпіс жылдан астам Кеңес үкіметінің бұғауында болған Қазақстан егемен ел болды. Міне содан бері 29жыл!
Осындай ұрпаққа мұра - құнды қазынамыз Тәуелсіздігіміздің тарихын кейінгі ұрпаққа жеткізу - адамдық борышымыз. Мазмұнды шара студенттер мен қатысушы мұғалімдердің пікірлерімен аяқталды.
ПІКІРЛЕР