Студенттер ақын Қалқаман Саринмен кездесті

Халел Досмұхамедов атындағы Атырау мемлекеттік университетінде  Қазақтың мақтанышы, ақын, Халықаралық «Шабыт» фестивалінің лауреаты, «Алтын қалам» әдеби сыйлығының жеңімпазы, Қазақстан Республикасы Үкіметінің «ДАРЫН» мемлекеттік жастар сыйлығының лауреаты, ҚР Жазушылар одағының мүшесі, «Жібек сезім – Жүрек сөзім» және «Арманымның бейнесі» атты жыр жинақтарының авторы Қалқаман Саринмен кездесу кеші болып өтті.

Жыр кешіне Атырау университетінің профессор-оқытушылар құрамы мен студенттері және қала тұрғындары қатынасты. Университеттің 400 орындық акт залы көрермендерге ылық толды. Кездесуді университет ректоры, химия ғылымдарының докторы, профессор Абзал Талтенов құттықтау сөзімен ашып, ақынға қош келдіңіз айтты. Жастар арасында кеңінен танамал ақын көрермендерді өзінің мөлдіреген нұрлы шыққа тұнған, бірде сағыныш пен мұң тұнған жақұт жырларымен сусындатты. Ақынмен өткен жыр кеші залмен әңгіме-сұхбат және сұрақ-жауап түрінде еркін өткізілді. Кездесу барысында Атырау университетінің студенттері Қалқаман ағаларына шашу ретінде ақынның жырлары мен өз туындыларын оқып, ақын сөзіне жазылған танымал әндерді нақышына келтіре орындады. Университетте өтіп жатқан өзін-өзі басқару апталығы аясында өткен шарада ректор міндетін атқарушы-дублер студент Мерей Арыстан сөз алып, Ақын ағасына тамаша кеш үшін зор рахметін айтып, жыр кешінен естелік сыйлық ұсынды. Сондай-ақ Атырау университетінің ректоры Абзал Талтеновтың бастамасымен жарық көргелі жатқан университетте оқитын жырды серік қылып жүрген талантты студенттер шығарамаларының жинағына алғысөз дайындап беруге өтінішін жеткізді.

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 42