Ғылыми кітапхана қоры жаңа басылымдармен толықты

Ғылыми кітапхана қоры жаңа басылымдармен толықты

Х.Досмұхамедов атындағы Атырау университетінің ғылыми кітапхана қоры жаңа басылымдармен толықты.

 1.     Есім Ғ. Ғұлама-Наме: ғылыми трилогия.- Астана: Академия Абай, 2019.- 640 б.

 «Ғұлама-Наме» - трилогия. Бірінші кітап – хакім Абайға, екінші кітап – данышпан Шәкәрімнің Ар біліміне, үшінші кітап – кемеңгер Әуезов Мұхтарға арналған.

Абай, Шәкәрім, Мұхтар қазақтың төл мәдениеті тарихындағы «бір сөйлем секілді» құбылыс. Абай сөйлем бастаушы болса, Мұхтар мұрасы – баяндауыш, Шәкәрімнің «Ар білімі» сөйлемдегі ойдың – анықтаушы. Біртұтас ғажап әлем – қазақтың ғұламалық әлемі.

Автор үш тұлғаның шыққан топырағы Атамекендегі ғұламалық дәстүрге беташар бөлімінде қысқаша талдау жасаған. Олар арғызаман Сақ ойшылы (б.з.д.V-VII ғ.). Анахарсис, пәлсапалық ойлау жүйесінің негізін салушы Әбу Насыр әл-Фараби және түрік дәуір ойшылдары: Иоллығтегін, Қорқыт, Қожа Ахмет Иассауи, Жүсіп Баласағұндар - қазақ Ұлы Даласындағы ғұламалық дәстүрдің тарихи-рухани сабақтастығының үзілмеген үлгісі.

2.Ахметбекұлы А. Көктудың желбірегені.- Алматы: «Сардар» баспа үйі, 2016.- 320 б.

Бұл жинаққа автордың «Атамекен», «Дауыс», «Астынан алты қырдың», «Ширығу», «Сәуірдің бұлты», «Өлең» атты кітаптарынан іріктелген өлең, поэмалары мен соңғы жылдары жазған бір топ өлеңдері еңгізілді. Сонымен бірге бұл күнде «Көк тудың желбірегені» атты ән-өлеңімен танымал ақынның әнге айналған өлеңдері де нотасымен бірге топтастырылды.

Ақын өлеңдерінде рухани бостандық, адамдық өмірге деген сенім, мемлекетке деген құштарлық, биік рух асқақ шабытпен, бейнелі өлеңдермен өрнектеледі.

                                                                                     Ғылыми кітапхана

ПІКІРЛЕР

Тізімге қайта оралу