«Есірткісіз әлем!»
Атырау облысы ІІД Есірткі бизнесіне қарсы күрес басқармасының ұйымдастыруымен Халел Досмұхамедов атындағы Атырау мемлекеттік университетінің мәдени-спорт кешенінде «Есірткісіз әлем» атты акция өткізілді.
Кең көлемде ұйымдастырылған шараға облыстық білім басқармасы, спорт және туризм басқармасы, сонымен қатар Халел Досмұхамедов атындағы Атырау мемлекеттік университеті атсалысты. Акцияға барлығы 700-ден астам жоғары оқу орындары мен колледждер студенттері және орта мектептердің оқушылары, қаладағы спорт мектептерінің тәрбиеленушілері қатысты. Шараны Ішкі істер департаментінің бастығы полиция полковнигі Аян Дүйсембаев ашты. Бұдан соң қатысушылар алдында облыстық білім басқармасының басшысы Нұрсауле Сайлауова, облыстық турзим және спорт басқармасының басшысы Азамат Бекет, облысқа танымал спортшылар сөз сөйледі. Есірткі бизнесіне қарсы күрес басқармасының бастамасымен есірткінің зардабы және нашақорлардың өмірі туралы жастарға қысқа метражды фильм көрсетілді.Жиналғандар ІІД Кинологиялық орталығының қызметтік иттерінің оқу-жаттығуларын тамашалады. Акция республика деңгейіндегі өнер жұлдыздарының конецертіне ұласты.
ПІКІРЛЕР