Полиция полковнигі университетте

Ағымдағы жылдың 19-шы сәуірі күні Халел Досмұхамедов атындағы Атырау мемлекеттік университетінде Атырау облысы ішкі істер департаментінің бастығы, полиция полковнигі Аян Сәбитұлы Дүйсенбаевпен кездесу болып өтті.

Бұл кездесуге Атырау университетінің профессор-оқытушылар құрамы мен Заңтану мамандығының студенттері қатынасты. Кездесу еркін әгімелесу, пікір алмасу және сұрақ-жауап форматында өткізілді. Жиынды Х.Досмұхамедов атындағы Атырау мемлекеттік университетінің ректоры, химия ғылымдарының докторы, профессор Абзал Талтенов ашып, кеш қонақтарына қош келдіңіздер айтты. Кездесуге сонымен қатар, Атырау облысы ішкі істер департаменті бастығының орынбасары, полиция полковнигі Нұрлыбек Кушенов те келді. Жалпы кездесудің басты мақсаты: Атырау университетінің заңтану мамандығы бойынша білім алып жатқан студенттерді құқық қорғау органдары қызметкерлерімен кездестіріп, мамандықтың ерекшеліктерін айта отырып, теория мен практика жағын ұштастыруда болып табылады. Кездесу қонағы Атырау облысы ішкі істер департаментінің бастығы, полиция полковнигі Аян Дүйсенбаев Атырау университеттің заңтану мамандығын биылғы оқу жылында бітіруші түлектерді ішкі істер департаментіне қызметке шақыра келгендігін де ашық айтып, департаментке жұмысқа орналасу үшін түлектерге қандай құжаттар жинақтау керектігіне және жас мамандарға мемлекет пен департамент тарапынан қандай жеңілдіктер жасалып жатқандығына толық тоқталды. Жалпы осындай ашық форматтағы кездесу ішкі істер департаментінің бастығымен 20 жылдан бергі уақытта бірінші рет өкізіліп отырғандығы да осы кездесуде айтылды.  Кездесу заңтану мамандығын бітіруші түлектерінің өздерін толғандырып жүрген көптеген сұрақтарын қойып, оған кеш қонақтарынан тұшымды жауаптар алуға жалғасты.


ПІКІРЛЕР

Тізімге қайта оралу

ҚҰТТЫҚТАЙМЫЗ!

23 Ноя 2020 24