Инновациялық идеялар турнирі басталды

Х.Досмұхамедов атындағы Атырау мемлекеттік университетінде студенттерді кәсіпкерлікке баулу және жаңа бизнес-идеялар  табуға арналған «Алты кілт – Алтын кілт» инновациялық идеялар турнирі жобасы бастау алды.

Қазақстан Республикасының Президенті Н.Ә.Назарбаев «Қазақстанның Үшінші жаңғыруы: жаһандық бәсекеге қабілеттілік» Жолдауында бизнес-ортаны түбегейлі жақсарту және кеңейту, кәсіпкерлікті дамытуды маңызды басымдық ретінде атап көрсеткен болатын. Осы орайда Атырау мемлекеттік университетінде студенттерді кәсіпкерлік негіздеріне оқыту мен жастардың бизнес ортасын қалыстастыруға көңіл бөлінуде.  Аталмыш жобаның мақсаты - Атырау облысы кәсіпкерлерімен байланыс орнату; жаңа бизнес-идеяларды іздеуді студенттерге үйрету және идеяларды генерациялау; университет қабырғасында жүріп жаңа кәсіп ашу үшін студенттерге біліктілік дағдыларын үйрету, тапсырмалар арқылы студенттерге кәсіпкерлікпен айналысып көруге жағдай жасау; жаңа бизнес-идеяны қаржыландыру және университет тарапынан қаржылай, психологиялық және біліммен қолдау көрсету болып табылады.

Инновациялық идеялар турнирінің алғашқты отырысына университеттің Бірінші проректор - Стратегиялық жоспарлау және халықаралық байланыстар жөніндегі проректоры, жоба идеясының авторы Шилібекова Айгерім Сенбекқызы қатысып, жобаға қатысушы студенттерге алғысын білдіре отырып, жоба туралы мағлұмат берді. Көптеген қызықты деректермен бөлісіп, сұрақтарға белсенді жауап берген студенттерге сыйлық ұсынды. Сонымен қатар студенттер тарапынан қойылған сауалдар да ескерусіз қалмады.

Кездесуден соң қатысушылар алты командаға бөлініп, адами ресурстарды дамыту бөлімінің басшысы Зумрат Сұлтанованың «Топта жұмыс жасау» семинар-тренингіне қатысып,  1 аптаға тапсырмаға алды. Әрбір топқа 1 қаламнан берілді. Бір апта ішінде сол қаламды  топтар құнды нәрселерге алмастыруы қажет. Қаламды ең құнды затқа алмастырған топ жеңіске жетеді және топ қатысушылары  кілттерге ие болады. Жеңіске жеткен құнды зат және барлық құнды заттар бизнес-инкубатор қорына тапсырылады.  

Жобаны үйлестіруші, «iSpace» бизнес-инкубатор бөлімінің басшысы Бибігүл ШАЙХИЕВАНЫҢ айтуынша, жоба барысында қатысушылар тек қана тапсырмалар орындап қана қоймай, 6 апта бойы мамандардың  инновация, бизнес, көшбасшылық, маркетинг, топта жұмыс жасау, келіссөздер жүргізу тақырыптарындағы семинар-тренингке қатысып, біліктілік дағдыларын үйренеді. 6 аптадан соң топтар жаңа бизнес жоба ойлап тауып, облысқа танымал белгілі кәсіпкерлердің көмегімен презентация дайындайды. Жобаларды қорғау маусым айында болады. Ұтысқа ие болған команда 300 000 теңге көлемінде ұтысқа ие болады. Ал «әр кілт» 5000 теңгеге алмастырылады.

Жоба аясында блогерлер арасында «Алты кілт – алтын кілт» жобасы туралы ең үздік мақала, «Команда қатысушысы туралы ең үздік мақала», «Командалардың жұмысы туралы ең үздік мақала», «Спикер туралы ең үздік мақала», «Университет газетіне жарияланған Ең үздік мақала», «Ең үздік фото-сурет» номинациялары бойынша жеңімпаздар анықталатын болады.


ПІКІРЛЕР

Тізімге қайта оралу

Поэзияға толы сәт

3 Апр 2020 54

"70 жылдыққа 70 тұлғамен кездесу" жобасы аясында кезекті онлайн форматта университетіміздегі "Ақтаңгер" ақындар клубының бастамасымен ҚР Жазушылар Одағы басқарма төрағасының орынбасары, белгілі ақын Бақыт Беделханмен ашық әңгіме өтті.

"FunTIME ONLINE" тартысты ойлар мекені!

3 Апр 2020 47

Короновирус індетінің алдын-алу мақсатында біз жұмысымызды қашықтықта отырып - ақ ұйымдастыра аламыз.Осы орайда ой - танымдық іс шаралар өз жұмысын онлайн форматта жалғастыруда.

Жатақханадағы жай-күй жан жадыратады

3 Апр 2020 50

Х.Досмұхамедов атындағы Атырау мемлекеттік университетіндегі қашықтықтан оқыту үдерісі студенттердің білім алуына оң ықпалын тигізіп келеді. Осы орайда,  елімізде орын алған келеңсіз індеттің алдын-алу мақсатында алыс мекенде тұратын студенттер қорғаныс мақсатында жатақханада қалған болатын.

Ғылыми кеңес онлайн форматта өтті

2 Апр 2020 36

Бүгін  Х.Досмұхамедов атындағы Атырау мемлекеттік университеті Ғылыми кеңесінің кезекті мәжілісі еліміздегі эпидемиялогиялық жағдайға байланысты онлайн форматта өткізілді.

ШҰҒЫЛ ЖЕТКІЗУ ҚЫЗМЕТІ ҰЙЫМДАСТЫРЫЛДЫ

2 Апр 2020 35

Х.Досмұхамедов атындағы Атырау мемлекеттік университетінде университет ұжымына қолдау көрсету мақсатында зейнеткерлер мен әлеуметтік жағдайы төмен отбасыларға шұғыл қажет болатын дәрі-дәрмектер мен бірінші кезекте қажетті азық-түліктерді үйге шұғыл жеткізу қызметі ұйымдастырылды.