Өмірді өнермен әдемілендіру өз қолыңызда!
18 қарашада Экономика және құқық факультеті деканы Эльмира Адиетова Мизамғалиқызының бастамасымен салауатты өмір салтын насихаттау мақсатында би үйірмесі өз жұмысын бастады. Әдемі би қимылдарын үйретуші хореограф - экономика ғылымдарының магистрі, биші Айгүл Қанатқалиқызы Масалимова.
Алғашқы би жаттығулары Жайық спорт кешенінің орталық залында ұйымдастырылды. Жақсы іске жаршы көп дегендей, жұмыла кіріскен әріптестеріміздің тек білім, ғылым жолында өз ісінің майталмандары ғана емес, өнер әлемінде де өзіндік шеберліктері бар екендігін байқадық. Алдағы уақытта жоспарланған шаралар жалғасын табатындығын айтқан модератор Эльмира Мизамғалиқызы барлық қызығушылық танытқан әріптестеріне шексіз ризашылығын білдірді.
ПІКІРЛЕР