17.04.2017 1514

Ағымдағы жылдың 17-ші сәуірі күні Халел Досмұхамедов атындағы Атырау мемлекеттік университетінің акт залында қазақтың көрнекті ақыны, Қазақстанның еңбек сіңірген қайраткері, «Құрмет» орденінің иегері, «Дәстүр» журналының бас редакторы Қасымхан Бегмановпен кездесу болып өтті.

Бұл кездесуге Атырау университетінің профессор-оқытушылар құрамы мен студенттері және Атыраудағы Қазақстан Жазушылар Одағы филиалының директоры, ақын Қойшығұл Жылқышиев пен Атырау облыстық мұражайының басшысы Рашила Хариповалар қатынасты. Кездесудің негізгі мақсаты – республикалық ұлттық-этнографиялық «Дәстүр» журналының «Дәстүр: кеше, бүгін, ертең» атты жаңа ғылыми-көпшілік жобасы аясында республика бойынша этнографиялық экспедицияның жұмыс жоспарына сәйкес этнография саласындағы ғылымдармен, өлкетанушылармен кездесу болды. Кездесуді тарих ғылымдарының кандидаты, Қазақстан Журналистер Одағының мүшесі Қылышбай Сүндетұлы ашып, Қасымхан Бегмановтың шығармашылығы мен өмір жолына толық тоқталып өтті. Кездесу барысында ақын Қасымхан Бегманов Атырау облысына келу сапарының басты мақсаты мен атқарып жүрген істері туралы тыңдармандарға айтып берді. Кездесуде студенттер сұрақтар қойып, кеш қонағы өзінің Махамбетке, Мұстафа Шоқайға арналған жырларын оқыды.

Тізімге қайта оралу