Ғылыми апталық аясында

13 сәуір күні Экономика және құқық фаультетінде ҚР Президенті Н.Ә.Назарбаевтың «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауы аясында «Қазіргі жағдайда Қазақстандағы экономикалық өсу мәселелері» тақырыбындағы ғылыми-практикалық конференция өткізілді.

Конференцияның мақсаты – жастар арасында ғылымды насихаттай отырып, ғылым мен білімге деген құштарлықтарын арттыру. Конференцияны өткізу барысында 3 секция, атап айтқанда «Экономикалық өсу мәселелері», «Заманауи азаматтық қоғам және құқықтық мемлекет»,  «Қазақстанның қаржылық және бухгалтерлік есептілік жүйесіндегі макроэкономикалық аспектілер» секциялары  қызмет атқарды.

Конференцияда ұсынылған ғылыми-зерттеу баяндамаларында шағын кәсіпорындардағы бухгалтерлік есеп мәселесі де, кәсіпорындардың инновациялық белсенділік мәселесі де, дипломатиялық қарым-қатынастарды құқықтық реттеу мәселелері де орын алып, студенттер мен оқытушылар арасында қызу пікірталас туғызды.  

Ғылыми апталықтың қорытындысында ең үздік мақалаларымен алға шыққан жас ғалымдар, студенттер және магистранттар жүлделі орындармен, алғыс хаттармен және сертификаттармен марапатталды.

ПІКІРЛЕР

Тізімге қайта оралу

Хабарландыру!

9 Июл 2020 25