Татарстанның Тарих институтымен өткен халықаралық конференция
20-21 қазанда Татарстан Республикасы Ғылым академиясы Ш. Марджани атындағы Тарих институтында онлайн форматта пандемияға байланысты кейінге шегерілген «1941-1945 жж. Ұлы Отан соғысы: халықтың Жеңісі және тарих тағылымы» атты Ұлы Жеңістің 75 жылдығына және бұрынғы Татар АҚСР-ның 100 жылдығына орай Халықаралық ғылыми конференция өтті.
Конференцияда Ұлы Отан және екінші дүниежүзілік соғыстары тарихына қазіргі тарихи көзқараспен, тұжырымдамалық идеялар мен саяси пікірлермен қарау, соғыстың кейбір толық зерттелмеген беттері, соның ішінде құрбандардың саны, соғыс тұтқындарын орналастыруы мен олардың тағдырлары, Үшінші рейхтің іс-құжаттарындағы ҚСРО шығыс халықтарына байланысты іске асырылмаған жобалары, т.б. мәселелер бойынша РФ, Беларусь, Қазақстан, Түркменстан, Өзбекстан, Әзірбайжан, Германия тарихшы-ғалымдары өз баяндамаларын ұсынды.
Конференцияда «Қазақстандағы соғыс және соғыстан кейінгі жылдарындағы билік және қоғам: ұлттық және дін саясаты (1941-1949 жж.): арнайы архивтер құжаттары бойынша» атты баяндамамен Х. Досмұхамедов атындағы Атырау университеті Қазақстан халқы Ассамблеясы институтының директоры, тарих ғылымдарының докторы, профессор Жанна Қыдыралина сөз сөйледі.
Қазақстанның ғалымына Германияның Берлин қ. Кавказ, Татар және Түркістан зерттеулері институтының вице-директоры Штефан Тайлигтің «Остминестериум» лагерлеріндегі Кеңес Одағы тұтқындарымен идеологиялық жұмыстар атқару бағдарламалары: жаңа архивтік және археологиялық ізденістер» баяндамасы Қазақстан Президентінің жақында көпшілікке талқылауға ұсынылған «Саяси қуғын-сүргін құрбандарын толықтай ақтау туралы Мемлекттік комиссиясы туралы» Жарлығының жобасына байланысты қызығушылық танытты. Ш. Марджани атындағы Татарстан Республикасы Ғылым Академиясы Тарих институты халықаралық ынтымақтастық жөніндегі директорының орынбасары Марат Гибатдинов осы секцияда модератор функцияларын өз деңгейінде атқарды: неміс тарихшысының баяндамасын дереу ағылшын тілінен аударып отырды және неміс тілінде де онымен сөз алмасты.
Конференция қорытындылары бойынша баяндамалар жинағы шығарылды.
Жанна Қыдыралина,
Қазақстан халқы Ассамблеясы
Инстиуттының директоры,
тарих ғылымдарының докторы, профессор
ПІКІРЛЕР