Сапа менеджмент жүйесі қызметі бойынша семинар өтті
28,29,30- қыркүйек аралығында Сапа менеджмент жүйесі қызметі бойынша ішкі аудиторларды арнайы сертификатпен қамтамасыз ету мақсатында, «Эксперт BA» (business assistant» ЖШС-і ұйымдастыруымен «ISO 19011:2018 стандартын қолданумен ISО 9001:2015 стандартына сәйкес ішкі аудиторларды дайындау» тақырыбында (24 академиялық сағат) оқыту семинары онлайн режимінде қашықтықтан өткізілді.
Дәрісті лектор, аудитор Сламбек Айгул Сатимбеккызы жүргізді.
– ISO 9001:2015 және ISO 19011:2018 стандарты жалпы ұйымның қызметін жақсартуға бағытталған ұсынымдарды қамтитын жүйені жақсарту бойынша жетекшілік болып табылады. Бұл ұйымның менеджмент жүйелерінің жекелеген аспектілерін ұдайы жақсартып отыруға септігін тигізеді, – деп атап өтті лектор.
Аталмыш шараға ректордың бұйрығымен тағайындалған ішкі аудиторлар толықтай қатынасып, теориялық және практикалық жағынан біліктіліктерін шыңдады. Сондай-ақ, семинар барысында тыңдаушылар тәжірибелік қызметте, аудит барысында туындаған сұрақтарды қойып, білікті жауаптар алды.
Үш күнге созылған семинар өте әсерлі өтті. Қорытындысында барлық қатысушыларға сертификаттар табысталды
ПІКІРЛЕР