Жарты ғасырдан кейінгі жүздесу

Жарты ғасырдан кейінгі жүздесу

23 қыркүйекте Х. Досмұхамедов атындағы Атырау университеті тарих факультетінің 1970 жылғы түлектерінің кездесуі өтті.

Білім ордасы қабырғасында сол жылдары білім алған 30 түлек арасынан т.ғ.д., профессор, академик, т.ғ.к, профессор, Қазақстан ЖОО-ң 2005 жылғы «Үздік оқытушы» грантының иегерлері шығып, кейбірі мемлекеттік басқару саласында облыс әкімінің орынбасары, білім саласының басшылары қызметін атқарды. Көпшілігі мемлекеттік марапаттарға, Президенттің алғыс хаты мен Ы.Алтынсариннің Махамбет жүлдесіне, «ҚР білім беру ісінің үздігі» мен «Құрметті азамат» атақтарына ие болған.

Университеттің акт залында болған «Білім алып саяңда, өткердік сан жылды»» атты кездесу кешіне студенттер мен профессор-оқытушылар құрамы қатысты.

Салтанатты шараны ашқан университет ректоры Саламат Нұрмұханұлы: ««Шәкіртсіз – ұстаз тұл» дегендей, осы оқу орнынан түлеп ұшқан азаматтарды көріп ерекше толқыныста отырмыз»,- деп атап өтіп, бұрынғы студент, қазіргі ақ самайлы ағалар мен ақжаулықты аналарға құттықтау тілегін білдірді.

Кездесу барысында Х.Досмұхамедов атындағы Атырау университетінің 1970 жылғы түлегі, профессор, Ресей мен Қазақстан ГҒА-ң академигі, Қазақстан Жоғары оқу орындарының 2005 жылғы «Үздік оқытушы» грантының иегері Ғизатулла Қаймолдаұлы Атырау қаласының әкімі Қ. Оразбаевтың арнайы «Алғыс хатымен» марапатталды.

Оқу ордасының 50 жыл бұрынғы түлектері Халел Досмұхамедов ескерткішіне гүл шоғын қойып, университет ғимаратын аралап, кейінгі жылдарда болған барлық өзгерістер мен жаңалықтарды көріп, таңданыстарын жасырмады.

Түлектерге арналған салтанатты жиын «Студенттердің қоштасу» әнімен аяқталды.

 

 

 

 

 

 

 

 

 

 

ПІКІРЛЕР

Тізімге қайта оралу

ҚҰТТЫҚТАЙМЫЗ!

26 Окт 2020 64