Педагогтік қайта даярлау бағытында семинар өтті
21 қыркүйек күні Х.Досмұхамедов атындағы Атырау университетінде педагогтік қайта даярлауға арналған білім бағдарламасын талқылау мақсатында семинар өтті.
Семинар университеттің ғылыми кеңес отырысында өткізіліп, кафедра меңгерушілері жасақтаған білім бағдарламаларын қорғады.
Білім және ғылым министрінің 2020 жылғы 17 наурыздағы № 110 бұйрығына сәйкес Педагогтік қайта даярлау қағидасы бекітілді.
Аталмыш қағида кәсіптік қызметіне алғаш рет кірісетін педагогикалық білімі жоқ тұлғаларды педагогикалық қайта даярлау үшін үлкен мүмкіндік беріп отыр. Сонымен қатар, заң тарауында көрсетілгендей, педагогикалық кадрларды қайта даярлау курстары күндізгі оқу нысаны бойынша жүргізіледі. Жоғары оқу орнында басшының шешімімен қабылдау комиссиясы құрылады. Қабылдау комиссиясының құрамына жоғары оқу орнының ректоры, проректорлары, құрылымдық бөлімдерінің басшылары мен профессор-оқытушылар құрамының өкілдері кіреді. Қабылдау комиссиясының сандық құрамы тақ саннан тұрады. Қабылдау комиссиясының төрағасы жоғары оқу орнының басшысы болып табылады. Хатшы қабылдау комиссиясының құрамына кірмейді. Жоғары оқу орнының басшысының бұйрығымен қабылдау комиссиясының жауапты хатшысы тағайындалады.
Осы бағытта педагогтің біліктілігін арттыру, қайта даярлау қағидасы бойынша бойынша педагогтардың мәртебесін көтеру жұмыстары жолға қойылып келеді. Бұл педагогтар үшін үлкен мәртебе. Осындай заң аясында педагогтық бағытқа ерекше көңіл бөлінуі – болашақ мамандар үшін үлкен көмек.
ПІКІРЛЕР