Алаш – қазақтың темірқазығы

Биыл «Алаш» автономиясының 100 жылдығы. Алаш қайраткерлерінің қазаққа сіңірген еңбегі өлшеусіз. Олар бастаған жол – азаттық жолы.

Жуырда Х.Досмұхамедов  атындағы Атырау мемлекеттік университетінде  «Алаштың 100 жылдығына арналған профессор оқытушылар құрамы мен студенттердің қатысуымен ғылыми конференциясы» өтті.

Шараны гуманитарлық ғылымдар және шетел тілдері факультеті орыс филологиясы және журналистика кафедрасы  ұйымдастырды.

Конференцияға журналистика мамандығының студенттері қатысты. Тақырыпқа сай өз баяндамаларын оқыды. Дәлірек айтсақ, Назым  Жолдасова  қоғам қайраткері Жаһанша Досмұхамедұлының Алаш қозғалысының жетекшісі болғанын, оның ұлт мәселесіне қатысты жарық көрген еңбектерін атап өтсе, Айсәуле Ардақ Халел Досмұхамедұлының өмірбаяны мен шығармашылық жолына тоқталып өтті.  Сондай-ақ баяндамашылар Тоғжан Сайын, Асем Сағынғалиева, Гүлайым Батырбек, Құндыз Мендиғалиева Сәкен Сейфуллин, Әлихан Бөкейханов, Мұхаммеджан Тынышбаев, Міржақып Дулатұлының Алаш қозғалысына қаншалықты  қатысы бар екендігі туралы өз баяндамаларында баяндап өтті.

Ақтілек АБАЙҚЫЗЫ,

Журналистика  мамандығының І курс студенті


ПІКІРЛЕР

Тізімге қайта оралу

Хабарландыру!

9 Июл 2020 40