Пайдалы ақпараттарға толы онлайн кездесу
18 қыркүйек күні Х.Досмұхамедов атындағы Атырау университетінде «Қашықтан оқытудың ерекшеліктері және студентке бағытталған білім беруді ұйымдастыру» атты онлайн кездесу өтті.
Онлайн кездесудің басты мақсаты – оқу үдерісі кезінде болып жатқан келеңсіздіктерді алдын алып, студенттерге қашықтан оқытудың маңызын түсіндіру.
Тікелей эфирдегі кездесуді Гуманитарлық ғылымдар және өнер факультетінің деканы Аймұратов Сағынгерей Болатқалиұлы, Физика, математика және ақпараттық технологиялар факультетінің деканы Адиева Айнагүл Жәнібекқызы, Жаратылыстану және ауылшаруашылық ғылымдары факультетінің деканы Қабиев Ерлан Сырымұлы өткізді.
Онлайн кездесу тікелей эфирде ZOOM бағдарламасы және университетіміздің инстаграмдағы ресми парақшасында өтті.
Кездесу барысында факультет декандары университеттің алға қойған мақсаты – білім сапасымен қатар оқу тиімділігін арттырып, бәсекеге қабілетті тәжірибелі мамандар даярлап шығару. Сонымен қатар, қашықтан оқыту кезінде де, білім мен ғылыми ізденістердің тоқтамай, үздіксіз жалғасып, асқан жауапкершілікпен қарауын баса назарға алды.
Осыған сай университет студенттері үшін Х.Досмұхамедов атындағы Атырау университетіде барлық жағдай жасалып, білім жолындағы бар ресурстарды қолдана отырып, қашықтан оқыту кезінде де білім сапасын түсірмей кең көлемде оқуға мүмкіндік беріп отыр.
Тікелей эфир кезінде өзекті мәселелер көтеріліп, қойылған сұрақтарға толығымен жауап алынды.
ПІКІРЛЕР