"Кешкі студияда" қонақта Динара Сұлтан
Университетімізде алғаш рет "Кешкі Студия" бағдарламасы ашылды. Бағдарламаның жүргізушісі Нұрхан Шауқаров және ойын ғылымдарының докторы Еламан Жексенов.
"Кешкі Студия" бағдарламасының арнайы шақырылған алғашқы қонағы Қазақстанның жарық жұлдызы "Super Star kz" және "Славян базары" жобаларының жеңімпазы Динара Сұлтан бағдарламаның тұсауын кесті.
Динара Сұлтан қазіргі уақытта отбасы жағдайына байланысты Дубай қаласында тұрып жатқанын, өзінің 4 баланың анасы екенін, алдағы уақытта шығармашылығына қайта оралып, Қазақстанда үлкен концерт ұйымдастырмақ ойы барын айтып өтті. Бағдарлама өте тартымды және қызықты деңгейде өтті. Алдын-ала дайындалған сұхбаттар мен ойын түрлері бағдарламаның көңілді өтуіне үлкен септігін тигізді. Университет оқытушылары мен студенттері көңілді кештің қонағы болып, өнер жұлдызымен фотоға түсті. Қонақкәде ретінде Динара ханымның орындауында бірнеше әндері орындалып бағдарламаның сәнін ашты. Кеш соңында университет логотипы салынған сыйлықтар табыс етілді. "Кешкі Студия" бағдарламасының кезекті қонағы – Х.Досмұхамедов атындағы Атырау мемлекеттік университет ректоры Абзал Ахатұлы Талтенов деп күтілуде.
ПІКІРЛЕР