Онлайн жазғы мектеп басталды
Х.Досмұхамедов атындағы Атырау мемлекеттік университетінде "Көптілді білім беру" факультетінің ұйымдастыруымен онлайн жазғы мектеп басталды.
Жазғы тілдік мектептің мақсаты - қатысымдық құзыретті жетілдіру, тілдерді оқуда қызығушылықтарын арттыру және оқушылардың жеке психологиялық ерекшеліктерін дамыту.
Осы орайда онлайн жобаның міндеті - балалар мен жасөспірімдердің жас, психофизиологиялық ерекшеліктерін ескере отырып, белсенді, танымдық бос уақытын ұйымдастыру, тілдік дайындық деңгейіне сәйкес қабілетін дамыту, шығармашылық-жобалық және оқу-зерттеушілік қызметі аясында білім алушылардың қабілетін дамыту, қазақ, орыс, ағылшын халқының лингвоэтномәдениет салт-дәстүрлерімен таныстыру арқылы оқушылардың ой-өрісін кеңейту болып табылады.
Қазақ және орыс тілдерімен қатар, ағылшын тілі адамдардың қарым-қатынас, өзара түсіністік пен өзара әрекетінің құралы ретінде, басқа мәдениеттерге тарту және мектеп оқушыларының зияткерлік қабілеттерін дамытудың маңызды құралы ретінде толық көлемде танылатын болды. Жазғы тілдік мектептерді ұйымдастыру мектеп оқушыларының тілдік дайындығын күшейту қажеттілігінен туындады. Алайда, еліміздегі карантинге байланысты сіздерге жазғы тілдік мектебімізді онлайн жүйесі арқылы өткізуді шештік. Жазғы мектеп аясында оқушыларға өздерінің өзге тілді қарым-қатынасын білім, білік, дағдыларын жетілдіруге мүмкіндік беріледі, білім алушылардың қатысымдық дағдыларын қалыптастыруға ерекше көңіл бөлінеді. Жазғы тілдік мектеп үлгісі мектеп оқушыларына қарым-қатынасты ұйымдастырудағы, елтану саласы сынды қарым-қатынас құралы (лексикалық өлшем, грамматикалық формалар және сөз тіркестері, тілдік қарым-қатынас формуласы) ретінде де қолданудағы қосымша ақпараттар алуда шет тілінің практикалық маңызына көз жеткізуіне мүмкіндік береді.
Онлайн мектептің бағдарламасы 10 күнге жоспарланған.
Айта кетейік, онлайн лагерь мектеп жағдайында 8-13 мектеп жасындағы оқушыларға арналған. Әр күннің өз атауы және сәйкес тапсырмалары бар.
Оқушыларға Қазақ тілі мен әдебиеті, Филология, Орыс тілі мен әдебиеті, Шетел тілі: екі шетел тілі мамандықтарының студенттері Азиза, Айгерім, Шырынгуль, Айым, Аружан онлайн сабақ жүргізеді.
ПІКІРЛЕР