- Басты бет
- МЕДИА-РЕСУРСТАР
- Жаңалықтар
- Тестілеудің бесінші күні
Тестілеудің бесінші күні
Ұлттық бірыңғай тестілеу жалғасуда. Кестеге сәйкес 227 талапкер тест тапсырып шықты.
Тест тапсыруға келген талапкерлер алдын-ала кезекке тұрғызылып, талапкерлер арасындағы арақашықтықтың кемінде 2 метр болуы қамтамасыз етілді. Сонымен қатар, әдеттегідей тест тапсырушылар дезинфекциялаудың 5 кезеңінен өтті. Атап айтар болсақ, дезинфекциялық тоннельден өту, арнайы дезинфекцияланған кілемшеде аяқ киімдерді зарарсыздандыру, дене қызуын өлшеу, қолды зарарсыздандыру сұйықтығымен өңдеу, медициналық маскалар беру.
Атырау облыстық дарынды балаларға арналған ұлттық гимназияның 2020 жылғы түлегі Құрманбай Нұрхан:
- Осы жылы ҰБТ жоғары деңгейде өткізілуде. Себебі, елімізде орын алған төтенше жағдайға байланысты сұрақтар өзгеріп, қиындауы мүмкін еді. Осы жағдайға қарамастан бізге көптеген жеңілдіктер болды. Атап айтар болсақ, әрбір аудиторияда калькулятор мен химия пәніне Менделеев кестесінің қол жетімді болып, қолдануға рұқсат берілгені көмектесті.
Болашақ тест тапсырушы талапкерлерге телефон немесе шпор пайдалануға кеңес бермеймін. Тестілеуге өз білімдеріңізге сеніп кірсеңіздер ешқандай қиындық болмайтынына сенімдімін.
Атырау облыстық дарынды балаларға арналған ұлттық гимназияның 2020 жылғы түлегі Елесінова Лиза:
-Тестілеу жоғары деңгейде жақсы өтті. Барлығы әділ болды деп толық айта аламын. Себебі, тест белгілеу кезінде барлығы өзіміздің жыл бойындайындалған сұрақтарымыз болды. Және де биылғы жылы жеңілдіктер жасалды. Мысалы, калькулятор пайдалануға рұқсат берілгені көп көмектесті. Есептерді көп уақыт алмай дұрыс шығара алдық. Айтарлықтай қиындықтар кездесті деп айта алмаймын.
Айта кетейік, ата-аналар үшін онлайн-көрсетілім ұйымдастырылды.
ПІКІРЛЕР