Жас мамандар жұмысқа қабылданды
Х.Досмұхамедов атындағы Атырау мемлекеттік университеті мен Атырау облысының полиция бөлімі арасында меморандумға қол қойылған болатын.
Меморандумның мақсаты - жастарға кәсіби бағдар беру, қылмыстың алдын-алу және болашақ заңгерлерді тәжірибеге бағдарланған оқытуды қамтамасыз ету болып табылады.
Осы меморандум аясында 5 маусым күні Атырау қаласы Полиция басқармасының ұйымдастыруымен бастапқы арнайы курстарын бітірген қызметкерлерге арнаулы атақтарын табыстау шарасы өтті.
Салтанатты шараға Атырау облысы Полиция департаментінің басшылығы мен Х.Досмұхамедов атындағы Атырау мемлекеттік университетінің ректоры, профессор Саламат Нұрмұханұлы қатысты.
Шара барысында басшы құрамның бастапқы арнайы курстарын бітірген қызметкерлерге алғашқы арнаулы атақтары табысталды.
Бұл меморандум болашақ мамандардың кәсіби және әлеуметтік бейімделуі бойынша білім беру мекемелері мен жұмыс беруші арасындағы тығыз ынтымақтастықтың нәтижесі болып табылады.
ПІКІРЛЕР