«Ұлы даланың ұлы ақыны - Абай!»
Х.Досмұхамедов атындағы Атырау мемлекеттік университетінде қазақ халқының ұлы ақыны, ағартушысы Абай Құнанбайұлының 175 жылдық мерейтойына арналған тәрбиелік шара онлайн түрде өтті.
Шараның мақсаты – Ұлы ақынның мерейтойының өтуіне, шығармашылығының ел арасында насихатталуына үлес қосу. Өскелең ұрпаққа Абай заманындағы, оған дейінгі және кейінгі қазақ халқының ұлттық құндылығын, төл өнерін дәріптеу.
Инновациялық білім беру факультеті, «Педагогика» кафедра-лабораториясының оқытушылары Г.М.Тажигалиева мен Г.Г.Арыстанғалиеваның ұйымдастыруымен өткен өлеңдер оқу шарасына «Дефектология», «Шет тілі: екі шет тілі» мамандықтарының студенттері жоғары белсенділікпен қатысты.
Айта кетейік, осы шара барысында студенттердің оқыған шығармалары «Абай-дана,Абай - дара» атты республикалық байқауға жіберіліп, студенттеріміз марапатталды, құттықтаймыз!
ПІКІРЛЕР