Әдістемелік онкүндікте - ақпараттық технологиялар тақырыбы
Атырау университетінде өтіп жатқан әдістемелік онкүндіктің шеңберінде гуманитарлық ғылымдар және шетел тілі факультетінде «Ақпараттық технологиялар: Ізденіс. Тәжірибе» тақырыбында семинар өтті.
Қазақ тілі мен әдебиеті кафедрасының аға оқытушысы Жаннат Қырықбаева «Өзге тілді аудиторияларда қазақ тілін оқыту әдістемесін жетілдіру жолдары» тақырыбындағы таныстырылымында өз тәжірибесімен бөлісті. Шетел тілін оқыту әдістемесі, Аударма ісі және шетел тілдері кафедраларындағы әріптестер шетел тілдерін онлайн курстар арқылы оқыту формалары, ақпараттық технологияларды қолдану әдіс-тәсілдерін ортаға салды.Орыс филологиясы және журналистика кафедрасының профессоры Н.Умурзакова қазақ, орыс, ағылшын және қытай тілдерінде жасалған «Атырау қаласының жолкөрсеткіші» жобасымен таныстырды.
Қазақстан және дүниежүзі тарихы кафедрасының қауымдастырылған профессоры м.а. Г.Кайргалиева өзіндік жұмыстарды орындау барысында ақпараттық құралдарды пайдалану арқылы 1-курс студенттері дайындаған бейнероликтерді ұсынды.
Сонымен қатар семинар соңында ақпараттық білім беру бағдарламалары орталығының мамандары «Жаппай ашық онлайн курсты қолдану» бойынша дайындаған жобаларын көрсетті.
ПІКІРЛЕР