Әдістемелік онкүндік қорытындысында педагог қызметкерлердің кәсіби стандарты жобасын талқылады

Әдістемелік онкүндік қорытындысында педагог қызметкерлердің кәсіби стандарты жобасын талқылады

19 қаңтарда ғылыми кеңес мәжілісі залында Атырау университетінде өткен әдістемелік онкүндіктің жұмысы қорытындыланды.

Қорытынды мәжілісте сөз алған оқу ісі проректоры Гүлжан Жарасова әдістемелік онкүндіктің нәтижелі өтуіне белсенді қатысқан барлық әріптестерге оқу орны әкімшілігі атынан ризашылығын білдірді. Сонымен қатар лицензиялау талаптарындағы өзгерістер жайында баяндама жасады. Инновациялық білім беру факультетінің деканы Ляйла Қойшығұлова «Педагог қызметкерлердің кәсіби стандарты» жобасымен таныстырды. Жаңа стандарт жобасымен танысқан әріптестер көкейдегі сұрақтарын қойып, ойларын ортаға салды. 
Соңынан әдістемелік онкүндікке қатысып, өздерінің іс-тәжірибелерімен бөліскендерге арнайы сертификаттар мен алғыс хаттар тапсырылды. Студенттер қысқы демалыстарында болған кезді тиімді пайдаланған ұстаздар декада барысында факультеттердегі озық тәжірибелермен танысып, пікір алмасуға мүмкіндік алды. Физика, математика және ақпараттық технологиялар факультетінің деканы Б.Кенжегулова, көп тілді білім беру факультетінің деканы Ж.Абдрхаманова онкүндіктен алған әсерлерімен бөлісті.  

ПІКІРЛЕР

Тізімге қайта оралу

ҚОНАҚ ДӘРІСІ

27 Ноя 2020 18