Мерейді өсірген марапат

Мерейді өсірген марапат

Мерейді өсірген марапат

Өңірлік коммуникациялар орталығында Қазақстан Республикасы Тәуелсіздігінің 25 жылдығына орай облыстық «Атырау» газеті жариялаған «Тәуелсіздік толғауы» атты конкурс жүлдегерлерін және «2016 жылдың үздік авторлары» номинациясына ие болғандарды марапаттау салтанаты болды.

Аталмыш шара «Атырау-Ақпарат» ЖШС директоры Ерболат Қаменовтың алғысөзімен ашылды.
Жоғарыда айтылған байқауға басылымның қарапайым оқырмандарынан бастап, өлкеміздің атағы республикаға мәшһүр сөз зергерлері, ғалымдар, журна-листер, студенттер мен оқушылар да атсалысқан болатын.
Белгілі ғалымдар мен сыншылардан, журналистерден тұратын ерікті әділ қазылар алқасы бәйгеге қосылған талапкерлердің прозалық-публицистикалық сипаттағы туындыларын оқып, идеясы мен тақырыбына, мазмұны мен композициялық құрылысына қойылатын талаптарды ескере отырып,  шешім қабылдады. Сонымен қатар, автордың сөз саптау мәнері, тілдік қоры мен ұсынылған материалдың тарихи-танымдық және әдеби-көркемдік деңгейі де сарапқа салынды.
Қаламының қуатын танытып, мерейі асқан жүлдегерлерді марапаттау сәті де келіп жетті. «Жүйріктен жүйрік озар жарысқанда» дегендей, көтермелеу сыйлықтарына  ие болған қаламгерлерге байрақтарын  облыстық «Атырау» газетінің Бас редакторы Исатай Балмағамбетов тапсырды. Олар –  Құрманғазы ауданынан Айнагүл Шакупова, Индер ауданынан Бейсен Аталық,   Махамбет ауданынан Махамбет Оңдағани.
Байқау жеңімпаздарының жүлдесі мен марапатын «Атырау-Ақпарат» ЖШС директоры Ерболат Қаменов тапсырды. Үшінші орын Х.Досмұхамедов атындағы Атырау мемлекеттік университетінің доценті Айдар Сабыровқа, екінші орын өлкетанушы-жазушы Өтепберген Әлімгереевке бұйырды. Бірінші орынды «Сарайшықтан Астанаға дейін»  тақырыбындағы танымдық   зерттеу  мақаласы  үшін  Х.Досмұхамедов атындағы Атырау мемлекеттік университетінің профессоры Аққали Ахмет   иеленді.
Сондай-ақ, жыл сайын  штаттан тыс тілшілеріміз бен белсенді авторларымыз марапатталып отырады.  Облыстық «Атырау» газеті редакциясының алқасы сол игі дәстүрді жалғастыра отырып, Мешін жылын қорытындылай келіп, жылдың үздіктерін анықтады. Дәл осы кезге дейін де төл шығармашылығымен биіктен көрінген газет жанашырларына жаңа табыстар тілеп, тың есімдер жария етілді.
«2016 жылдың үздік авторлары» атағына Атырау облыстық сотының баспасөз қызметі жетекшісі Боранбай Ғалиев, педагогика ғылымдарының кандидаты  Шахман Нағымов, полиция полковнигі Гүлнәзира Мұхтарова, қазақ тілі мен әдебиеті пәні мұғалімі Ақтолқын Серікқызы ие болды.
Салтанатты шарада әншілер,  ҚР Мәдениет қайраткерлері  Ханзада Сақыпова мен Назым Шаймарданова  өнер көрсетті.

 
Гүлзада НИЕТҚАЛИЕВА

www.atr.kz

ПІКІРЛЕР

Тізімге қайта оралу

Парасаттылық мектебі ашылды

12 Дек 2019 10

Бүгін Х.Досмұхамедов атындағы Атырау мемлекеттік университетінде Қазақстан Республикасы Сыбайлас жемқорлыққа қарсы іс-қимыл агенттігі Атырау облысы департаментінің тапсырмасымен «Педагогика» кафедра-лабораториясының ұйымдастыруымен «Парасаттылық мектебі» ашылды.

«Қазақстанның аграрлық тарихының мәселелері: дәстүр, тәжірибе, әдіснама»

12 Дек 2019 25

Бүгін Х.Досмұхамедов атындағы Атырау мемлекеттік университетінде «Рухани жаңғыру» бағдарламасы аясында белгілі тарихшы, тарих ғылымдарының докторы, профессор Алдар Сарсенұлы Сарсеновтың 70 жас мерейтойына орай «Қазақстанның аграрлық тарихының мәселелері: дәстүр, тәжірибе, әдіснама» атты халықаралық ғылыми-практикалық конференция өтті.

Ел азаматы

12 Дек 2019 9

https://aqtobegazeti.kz/?p=81454

Ұлт тарихы қай уақытта да ел зиялыларының жіті назарында. Оның сан қатпарлы белестері мен күрделі кезеңдерін зерделеу, оларды өзара салыстыра ерекшеліктерін анықтау, нәтижелерін айқындау — тарихшылардың алдындағы күрделі міндет.

«Тәуелсіздік және рухани жаңғыру»

11 Дек 2019 24

Бүгін 16 желтоқсан Тәуелсіздік күніне орай  гуманитарлық ғылымдар және өнер факультетінің, әлеуметтік-гуманитарлық пәндер кафедрасының аға-оқытушысы Ертелеева Роза Бекесовнаның ұйымдастыруымен «Тәуелсіздік және рухани жаңғыру» тақырыбында шара өтті.

Дзюдодан ашық турнир өтті

9 Дек 2019 58

Х.Досмұхамедов атындағы Атырау мемлекеттік университетінде  дзюдодан республикалық турнир өтті.