«Жеңіспен Ақ Жайыққа оралған ұл»
Ұлы Отан Соғысы Жеңісінің 75 жылдығына орай майдангер ақын, журналист, ұстаз, Ұлы Отан соғысының және еңбек ардагері, Махамбет ауданының Құрметті азаматы Сембай Бердімұратовтың шығармашылығына арналған "Жеңіспен Ақ Жайыққа оралған ұл" тақырыбындағы еске алу шарасы 8 мамыр күні сағат 17.00 –де Zoom платформасы арқылы өткізілді. Тәрбиелік шараның модераторы: Исмурзина Гүлнар Базарбайқызы.
Шараны өткізудегі мақсат: С. Бердімұратовтың өмір жолын өнеге етіп, шығармашылығын насихаттау, жастарды жергілікті қаламгерлер шығармашылығымен таныстыру, ел үшін жасаған өлшеусіз еңбегін дәріптеу, студенттерді ізденіске баулу.
✔️Сембай Бердімұратов "Қазақ КСР халық ағарту ісінің үздігі", " КСРО халық ағарту ісінің үздігі", КСРО халық Жазушылар Одағының мүшесі, "Білім және Еңбек" журналының 1982 ж. өткізген байқауының лауреаты.
✔️Шараға гуманитарлық ғылымдар және өнер факультетінің деканы, PhD Д.Ұ. Хамидуллина, тарих ғылымдырының докторы қауымдастырылған профессор, Рухани жаңғыру кабинетінің директоры Ж.Т.Таңатарова, журналистика кафедрасының аға оқытушысы Лаззат Мажитова, аға оқытушы, гуманитарлық ғылымдар магистрлері Нұргүл Нұрланова, Эльмира Ғилажевалар мен студенттер қатысты. 105 топ студенттері ақынның соғыс жылдарындағы және кейінгі өнегелі өмір жолын, ақындығын, ұстаздық, журналистік-қаламгерлік, айтыскерлік өнер жолын зерделеп, ортаға салды, ақынның "Жеңіс күніне", "Анама хат", "Сонда тірі келер ме едің? ", "Туған жер" т.б. өлеңдерін оқыды. С.Бердімұратовпен кезінде көзкөрген, сұхбаттасқан Лаззат Қабдірқызы мазмұнды да әсерлі естелік әңгімесін айтып берді.
✔️Жұмағалиева Айдана, Ілиясова Гаухар, Ерғалиев Саябек, Жоламанұлы Нұртілек, Сембаева Ақкүн, Молдағалиева Камила, Рысқұлова Гүлмира, Сатымова Айдана, Алпысбаева Ақбаян т.б. белсенді ізденіспен қатысқан үшін 1 курс 105 топ студенттеріне рақмет айтамын.
Ғылым мен білім жолындағы шығармашылық ізденістен талмаңыздар! Болашақ бүгіннен басталады!
ПІКІРЛЕР